web counter
LEXO PA REKLAMA!

SHKARKO APP

App Store
Google Play

E fundit!

x

Rama urdhëron shkarkimin e të gjithë drejtorëve që braktisën fushatën

2 Korrik 2015, 05:58, Politikë CNA

Grupi i Partisë Socialiste ka zhvilluar dje mbledhjen e parë pas zgjedhjeve lokale të 21 qershorit. Ndryshe nga herët e tjera, mbledhja e deputetëve të Partisë Socialiste është drejtuar nga vetë kryeministri Edi Rama, për shkak të një rëndësie të veçantë të saj.   Ashtu siç kishte paralajmëruar para fushatës, Rama ka kërkuar nga deputetët dhe ministrat identifikimin e të gjithë drejtorëve të PS, të cilët braktisën fushatën për zgjedhjet lokale, duke ndikuar negativisht jo vetëm në rezultatin e PS, por edhe të koalicionit të majtë në tërësi.

Rama është shprehur se në fushatë më shumë kanë punuar drejtorët e PD sesa të PS. ?Drejtorët tanë s?kanë ndihmuar në fushatë, ndërsa drejtorët e mbajtur të PD e kanë bërë punën e tyre?, mësohet të jetë shprehur Rama në mbledhje grupi. Kryeministri Rama ka urdhëruar zëvendësimin e gjithë drejtorëve të cilët nuk arritën pritshmëritë në zgjedhjet e 21 qershorit. Me këtë detyrë do merren në ditët në vijim krerët e degëve të PS, senatorët, por edhe anëtarët e kabinetit qeveritar.

Po ashtu, Rama ka kërkuar vëmendje më të madhe për mbështetësit e PS, duke shprehur një farë shqetësimi për rënien e PS si parti në këto zgjedhje ndonëse është tejet i kënaqur dhe i surprizuar me rezultatet e koalicionit në tërësi. Më tej, Rama ka prezantuar edhe planin për reformimin e PS në kuadër të sfidës së zgjedhjeve parlamentare të 2017. Si fillim, Rama u ka kërkuar deputetëve të PS dhe strukturave drejtuese shtimin e numrit të anëtarëve të PS deri në 150 mijë, gati sa dyfishi i anëtarëve aktualë. Shtimi i numrit të anëtarëve do bëhet në fund të këtij viti.





Lajmet e fundit nga