E fundit!

21:55 Aktualitet

“Rama jep dorëheqjen”/ Kryeministri: Ky kor më ekzalton

Slogani "Rama jep dorëheqjen" para Kryeministrisë duket se...

Numerimi mbrapsht ne Greqi, ore kritike

22 Qershor 2015, 13:36, Kosova & Bota CNA

Greqia ka hyrë në orët e saj kritike, si pasojë e krizës me borxhe.

Udhëheqësit evropianë mbajnë të hënën një samit urgjent, por kanë paralajmëruar se nuk ka ende bazë për të marrë vendime, për të ndihmuar Greqinë.

Kryemnistri grek, Alexis Tsipras, ka thënë se shpreson se Greqia ?do t?i kthehet rritjes brenda Eurozonës?, por ka përjashtuar shkurtimin e pensioneve dhe rritjen e taksave.

Kreditorët ndërkombëtarë, në anën tjetër, kanë thënë se nuk do t?i zhbllokojnë fondet e ndihmës, derisa Greqia të mos bie dakord për këto reforma.

Ajo ka vetëm pak ditë kohë për të arritur marrëveshje me kreditorët; në të kundërtën, nuk do të mund t?i paguajë borxhin Fondit Monetar Ndërkombëtar, në vlerë prej 1.6 miliard eurosh – obligim që duhet ta kryejë deri më 30 qershor.

Nëse dështon, Greqia rrezikon të dalë nga Eurozona e ndoshta edhe nga Bashkimi Evropian.

Me kanosjen e këtij rreziku, grekët ua kanë mësyrë bankave për të tërhequr kursimet. Një rekord prej 1 miliard eurosh është tërhequr vetëm të enjten e kaluar, duke vënë bankat e mëdha në rrezik të kolapsit, shkruan gazeta New York Times.

Banka Qendrore e Greqisë ka paralajmëruar qeverinë se dështimi për të arritur marrëveshje me kreditorët mund të çojë në kolapsin e gjithë asaj që ka arritur ekonomia greke përmes anëtarësimit në Bashkimin Evropian dhe në Eurozonë.

Ministri i Financave i Gjermanisë, Wolfgang Schaeuble, ka thënë para samitit të sotëm se nuk ka parë asgjë të re nga Greqia dhe pa diçka të re, ka shtuar ai, nuk mund të merret asnjë vendim.

Kryeministri i Greqisë, Tsipras, ka zhvilluar të dielën biseda të ndara telefonike me presidentin e Francës, Francois Hollande, kancelaren gjermane, Angela Merkel, dhe presidentin e Komisionit Evropian, Jean-Claude Juncker.

Zyra për media e Tsipras ka thënë se ky i fundit ?u ka prezantuar tre liderëve propozimin e Greqisë për marrëveshje reciprokisht të dobishme, e cila do të siguronte zgjidhje të përhershme dhe jo vetëm shtyrje të problemit?.

Ministri i Jashtëm i Finlandës, Alexander Stubb, ka thënë sot se nuk pret marrëveshje, ndërsa ngjashëm është shprehur edhe kreu i grupit të ministrave të Financave të Eurozonës, Jeroen Dijsselbloem, nga Holanda.

Greqia këmbëngul se nuk do të pranojë shkurtimin e pensioneve ose të pagave të sektorit publik, duke thënë se një e treta e pensionistëve janë nën ose pranë kufirit të varfërisë.