E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Kercenimet e Sejdinit/Unioni i Gazetareve te Elbasanit mbron kandidatin

17 Qershor 2015, 15:28, Aktualitet CNA

Pas videos së publikuar një ditë më parë ku shfaqej kryebashkiaku i Elbasanit, Qazim Sejdini duke kërcënuar gazetarët, për të qenë të kujdesshëm me të sepse ndryshe rrezikonin vendin e punës, sot ka pasur një deklaratë publike të Unionit të Gazetarëve në Elbasan. Pasi e lexon, të krijohet përshtypja sikur edhe kjo deklaratë ka dalë nga zyra e Qazim Sejdinit. Unioni i Gazetarëve të Elbasanit thotë se video është realizuar disa kohë më parë dhe ka të bëjë me një bisedë informale. Më poshtë deklarata e plotë:

Deklarate e Unionit te Gazetarëve – Dega Elbasan

Elbasan 17.06.2015

Unioni i Gazetarëve të Qarkut të Elbasanit, i mbledhur sot ( 17/06/2015) ndërmjet problemeve të tjera diskutoi edhe rreth transmetimit te një videoje në rrjetet sociale dhe mediat, pa autoresi raportuesi. Filmimi në fjalë është realizuar kohë më parë dhe ka te beje me nje bisede informale e cila eshte transmetuar fragmentalisht dhe jashte kontekstit. Unioni i Gazetarëve të Elbasanit, bën me dije se ne asnje rast nuk kemi pasur denoncime apo ankesa nga kolege per ekzistencen e nje video- rregjistrimi ku te shantazhohen mediat apo gazetaret. Ne shprehim opinionin se publikimi i nje pasazhi te tille ku shfaqet vetem nje protagonist elektoral, është përdorur në kohë të vonuar dhe ndoshta për qëllime politike.
Unioni i Gazetarëve të Qarkut të Elbasanit deklaroni se : problemet tona në marrëdhëniet me institucionet apo me individë me pushtet, i kemi zgjidhur dhe perballuar me reagim te perhershem solidar dhe me profesionalizem. Unioni i Gazetarëve të Elbasanit nuk është pale me asnjë subjekt politik dhe nuk do të jetë edhe në të ardhmen. Sqarojme se sa i perket nje certifikate te dhene per ish-kryetarin e Bashkise se qytetit ne vitin 2012, kjo ka te beje me nje veprimtari te fundvitit te Deges sone, ne te cilen sipas tradites disa vjecare ne vleresojme dhe shprehim mirënjohje për isntitucione apo personalitete lokale dhe më tej, Dega e Unionit ka pasur si parim vlerësimin e partneritetit institucional dhe punën për mbrojtjen e lirise se medias ne vend.
Unioni i Gazetareve Elbasan.