web counter
LEXO PA REKLAMA!

SHKARKO APP

App Store
Google Play

E fundit!

x

Ministri Beqaj prezaton shëndetësine elektronike në Durrës

30 Maj 2015, 15:00, Sociale CNA

Ministri i Shëndetësisë, Ilir Beqaj me drejtues të institucioneve shëndetësore në vend, kanë prezantuar në Durrës sistemet e recetës elektronike, kartës së shëndetit, aplikacionin e-Barna, si dhe planet afatmesme dhe afatgjata për përdorimin e shëndetësisë elektronike. Sipas Beqajt këto shërbime do të bëjnë të mundur që të shkurtohet koha e komunikimit të  qytetarëve me hallkat e ndryshme të shëndetësisë.

?Me miratimin e programit të ri nga fondi i inovacionit, do të mundësohet që në mënyrë ligjore dhe të sigurtë do të eleminohen firma dhe vula në shëndetësi. Çdo mjek apo farmacist, me zbatimin e plotë të këtij programi, do të ketë një instrument që do ta lidhë në kompjuterin e tij dhe nga ky moment çdo gjë që ai do të nisë do të jetë e fimosur dhe e vulosur dhe do të jetë vetëm e tija. Kjo do të bëjë të mundur të kufizohet pjesa letër dhe do të reduktojë maksimalisht hapësirën që me këto letra të ketë abuzime? është shprehur Beqaj.

Sipas drejtorit të FSDKSH-së, Astrit Beci avantazhi kryesor i recetës elektronike është rritja e transparencës dhe shmangia e abuzimeve me recetat e rimbursueshme. Receta elektronike e lejon mjekun të krijojë dhe të transmetojë në mënyrë elektronike një recetë si dhe farmacistin të ekzekutojë në mënyrë elektronike recetën. Ky është një projekt pilot që do të nisë në 18 Qendrat Shëndetësore të Durrësit dhe në 80 farmaci në sistem ku sipas  Becit përfitues do të jenë rreth 300 mijë banorë të Durrësit. E-Barna  është një tjetër shërbim që u prezantua sot në Durrës, me anë të të cilit, qytetarët nëpërmjet internetit mund të informohen mbi të gjitha llojet  e barnave.





Lajmet e fundit nga