web counter
LEXO PA REKLAMA!

SHKARKO APP

App Store
Google Play

PD Shkodër: Brenda 24 orëve, heqim simbolet elektorale të tepërta

28 Maj 2015, 18:15, Politikë CNA

Partia Demokratike e Shkodrës ka deklaruar se brenda 24 orëve do të lirojë hapësirat publike që janë të me simbole të tepërta të kësaj partie. Në deklaratën për shtyp nga PD, thuhet se kjo parti iu ka kërkuar edhe subjekteve të tjera politike të bëjnë të njëjtën gjë, pasi qytetarët shkodranë kanë shprehur shqetësim lidhur me këtë çështje.
Deklarata e plotë e Partisë Demokratike Shkodër:
“Duke marrë shkas nga shqetësimi mbarë qytetar shkodran për zënien e hapësirave publike me flamuj dhe banderola të partive politike, që para 5 ditës Partia Demokratike dega Shkodër u ka kërkuar subjekteve të tjera që të bihet dakord për lirimin e hapësirave publike. Me gjithë përpjekjet e bëra nga ana jonë, deri më tani jo vetëm nuk ka asnjë ragim pozitiv, por as edhe një lloj përgjigjeje. Në këto kushte, kur partitë e tjera politike vazhdojnë të mos i përgjigjen kërkesës tonë, Partia Demokratike ka vendosur që brenda 24 orëve të ardhshme, në respekt të qytetarëve, të lirojë hapësirat publike nga simbolet e tepërta.
Edhe njëherë iu bëjmë thirrje subjekteve të tjera politike që t’i bashkohen nismës tonë në respektimin e kulturës dhe qytetarisë shkodrane!
Shpresojmë që edhe subjektet tjera do t’i përgjigjen pozitivisht veprimit tonë duke qenë të bindur se qytetari beson më shumë tek programi dhe tek kandidati më i mirë sesa tek propaganda vizive e tejkaluar. Në cdo fushatë simboli mbetet simbol dhe kurrsesi nuk mund të konvertohet në votë. Votën e ka në dorë inteligjenca dhe kultura e qytetarëve shkodranë dhe ata do flasin nëpërmjet saj më datën 21 Qershor” – thuhet në deklaratën e sotme të Partisë Demokratike Shkodër.





Lajmet e fundit nga