web counter
LEXO PA REKLAMA!

SHKARKO APP

App Store
Google Play

Basha: Me vote mundim varferine dhe papunesine

28 Maj 2015, 16:50, Politikë CNA

Kreu i Partisë Demokratike, Lulzim Basha, gjatë një një bashkëbisedimi me banorë të Burrelit dhe Klosit është shprehur se më 21 qershor, me votë do t?i japim zgjidhje problemit të papunësisë, varfërisë dhe çmimeve të larta të karburantit e energjisë.

?Oferta jonë, pikë kryesore ka punësimin, uljen e taksave për të krijuar më shumë vende pune, për të punësuar të rinjtë, kryefamiljarë të papunë, përmes zgjerimit dhe forcimit të biznesit?,- tha Basha.

Kryetari i PD është shprehur se pas mashtrimeve për 300 mijë vende pune, pas mashtrimeve për uljen e taksave, për uljen e çmimit të energjisë, për legalizime falas e për shëndetësi falas, mashtrimi tjetër është që po t?i kemi ne të dyja do t?i bëjmë më mirë.

?Ja pra, këtu i kanë pasur të dyja, a i kanë bërë më mirë këto dy vite? A kanë sjellë përmirësim në cilësinë e jetës tuaj? A kanë sjellë shpresë për rininë? A kanë hapur vende pune për të papunët??,- pyeti kryedemokrati.

Sipas tij, qeveria aktuale ka mbyllur vende pune, ka pakësuar ndihmën ekonomike e ka bërë më të vështirë për shumicën dërrmuese të familjeve të mbyllin muajin.

?Me 21 qershor është shansi për ta zgjidhur këtë. Si do ta zgjidhim? Me votë duke votuar për Partinë Demokratike, votoni për uljen e çmimit të energjisë, për faljen e kamatvonesave. Votoni për rikthimin në listën e ndihmës ekonomike të gjithë atyre që janë hequr me të padrejtë dhe shtimin në këtë listë të atyre që kanë nevojë me të vërtetë për ndihmën ekonomike. Nuk ka zgjidhje tjetër përveç votës. Me 21 qershor me votë kanë shansin të japin zgjidhje këtyre problemeve?,- u shpreh ndër të tjera kreu i demokratëve.





Lajmet e fundit nga