E fundit!

18:24 Aktualitet

Nis protesta e gjashtë në Tiranë kundër qeverisë

Mbahet ditën e sotme protesta e radhës kundër qeverisë në ...

Katër gjërat “e çuditshme” që mund t’i bëni në gjumë

28 Maj 2015, 10:00, Lifestyle CNA

Edhe pse shumë rrallë, ka raste në të cilat njerëzit flenë në vendin e shoferit të veturës dhe zgjohen në situata mjaft të pazakonta apo vende të çuditshme. Apo ndoshta gjatë natës mund të zgjohen për të shkuar në kuzhinë dhe të përgatisin diçka për të ngrënë ose të ulen në shtrat dhe të bisedojnë. E megjithatë, asgjë nuk mbajnë mend.

Raste të tilla janë të shumta dhe ato janë episode mjaft të zakonshme të natës dhe renditen në kategorinë e parasomnias. Çrregullimet e gjumit lidhen me fazat e caktuara të gjumit dhe/ose zgjim të pjesshëm (parasomnia) që mund të jenë mbresëlënëse, të pakëndshme në aspektin social, por ato në natyrën e vet janë të padëmshme, edhe pse është vështirë për t?i çrrënjosur, shkruan Zëri.

? Ecja nëpër shtëpi: Ecja nëpër gjumë është një nga çrregullimet më tipike të gjumit. Një nga keqinterpretimet e atyre që ecin në gjumë është se veprojnë sipas ëndrrave, por në fakt ecja nëpër gjumë ndodh në fazën e tretë dhe të thellë të gjumit. Për shkak të kësaj, mund të jetë e vështirë për t?i zgjuar këta persona, kështu situata mund të bëhet ?e rrezikshme?. Por pasojat ditën e nesërme mund të jenë më serioze. Sipas revistës së gjumit, të rriturit që ecin nëpër gjumë kishin një përgjumjeje të lartë gjatë ditës, ndjesi dobësie dhe simptoma ankthi.

? E folura ose të bërtiturat: Ecja nëpër gjumë ose bisedat janë më së shumti të përhapura te fëmijët dhe episodet përfundojnë zakonisht gjatë pubertetit. Trembjet gjatë natës shpesh ndodhin te fëmijët. Ato janë riaktivizime të përgjigjes ndaj frikës në gjumë. Megjithatë, këto episode ndodhin edhe te të rriturit.

? Mesazhet: Dërgimi i mesazheve me tekst ndërsa dikush fle, duken shumë të çuditshme, por nuk është fenomen befasues, duke qenë se numri i njerëzve që flenë me telefonin pranë është tepër i madh. Një studim i Universitetit Villanova zbuloi se nga 300 studentë, 25 për qind e tyre çonin mesazhe kur flinin. Kjo nuk është gjë e dëmshme, por ama disi e pakëndshme.

? Përgatitja dhe ngrënia e ushqimit: Studiuesit tregojnë se ata dinë raste të njerëzve që shkojnë në kuzhinë në mes të natës dhe hanë pa mendje qepë të gjalla, sikur të ishin mollë. Në mëngjes këta persona zgjoheshin pa e pasur idenë se çfarë u kishte ndodhur. Për shkak se ndodh gjatë fazës së tretë të gjumit, edhe ngrënia gjatë gjumit nuk përfshihet te REM-i. Gjithashtu njerëzit në dieta kanë më shumë prirje të flenë dhe të hanë ushqim gjatë gjumit. Ushqimet që konsumohen janë përgjithësisht me shumë kalori, por ka edhe nga ato që nuk janë aspak ushqim, si për shembull akulli. Nuk është çudi që ngrënia përgjumësh mund të shkaktojë shëndoshje, probleme me dhëmbët ose dëmtime gjatë përgatitjes së ushqimit.