web counter
LEXO PA REKLAMA!

SHKARKO APP

E fundit!

x

Durres, burg te perjetshem Odise Verbofshit, vrau e dogji dy te rinj

27 Maj 2015, 13:56, Kronika CNA

Gjykata e Durrësit ka dhënë vendimin me burgim të përjetshëm për 33-vjeçarin Odise Verbofshi, i cili më 21 shkurt të vitit 2014 vrau e dogji dy të rinj nga Kruja.

Burime të NOA.al bëjnë me dije se me 500 mijë lekë gjobë është gjobitur nga ana e gjykatës Ilirjan Thanasi, mbi të cilin rëndon akuza e moskallëzimit të krimit.

Odise Verbofshi është i akuzuar për vrasjen e dyfishtë në zonën e Kënetës në Durrës dhe për asgjësimin e kufomave të Shaban Babasit dhe Arben Kasallës duke i djegur brenda një makine.

Ai është arrestuar nga policia gjatë kohës që tentonte për të kaluar kufirin. Verbofshi u ndalua në zonën e Bilishtit në Korçë, në afërsi të kufirit me shtetin grek.

Nga hetimet rezultoi se vrasja e dy shtetasve ka ndodhur brenda ambienteve të banesës së autorit në Shkozet, me armë zjarri pistoletë.

Paraprakisht dyshohet se motivi i kësaj ngjarje është prishja e pazarit lidhur me lëndën narkotike të llojit kanabis sativa.





Lajmet e fundit nga