web counter
LEXO PA REKLAMA!

SHKARKO APP

Koreja e Veriut anuloi papritur vizitën e shefit të OKB-së

20 Maj 2015, 08:39, Kosova & Bota CNA

Koreja e Veriut ka anuluar papritur një vizitë të paralajmëruar të sekretarit të përgjithshëm të Kombeve të Bashkuara, Ban Ki Moon një ditë përpara se ai të mbërrinte në vendin komunist. Ban duhej të vizitonte një kompleks industrial në zonën Kaesong, zonë industriale e përbashkët që operohet nga jugu dhe nga veriu.
Duke folur në një forum në Seul, Ban theksoi se ky veprim është për të ardhur keq vërtetë dhe se atij vetë nuk i ishte dhënë asnjë shpjegim për anulimin e vizitës. Nëse do të realizohej, vizita e Ban Ki Moon do të kishte qenë e para vizitë e një shefi të OKB-së në më shumë se 20 vjet. Ban tha se ai dëshironte të promovonte pajtimin në këtë vizitë të parealizuar.
Kur e njoftoi së pari vizitën në Korenë e Veriut, të martën, Ban tha se do të apelonte Korenë e Veriut të bashkëpunonte me komunitetin ndërkombëtar për gadishullin korean, për paqen dhe stabilitetin. Zona industriale Kaesong ndodhet në kufrin mes Veriut dhe Jugut dhe në të gjenden disa fabrika.
Ban që më parë ka qenë edhe ministër i Jashtëmi Koresë së Jugut, duhej të takonte liderë të biznesit koreanojugorë dhe punonjësit e Koresë së veriut në udhëtimin e tij në Kaesong.





Lajmet e fundit nga