web counter
LEXO PA REKLAMA!

SHKARKO APP

App Store
Google Play

Poroshenko: Jemi në luftë të vërtetë me Rusinë

20 Maj 2015, 07:39, Kosova & Bota CNA

Presidenti i Ukrainës, deklaroi se vendi i tij është në një luftë të vërtetë me Rusinë dhe se ukrainasit duhet të përgatiten për një ofensivë të re ruse. Presidenti Petro Poroshenko tha për BBC se ai nuk ka besim tek homologu rus, Vladimir Putin, por sidoqoftë nuk ka opcion tjetër përveçse të negociojë me të. Rusia e ka mohuar akuzën e Perëndimit se ka dërguar trupa të rregullta dhe armatime për të ndihmuar separatistët në krahinat lindore të Ukrainës.
Kombet e Bashkuara thonë se të paktën 6 mijë persona janë vrarë që nga nisja e luftimeve në lindje në prill të vitit të shkuar,
Separatistët prorusë kanë avancuar në mënyrë domethënëse në rajon ku përfashihet më së fundi, edhe qendra hekurudhore e Debaltseves.
Edhe ata e mohojnë se kanë marrë mbështetje nga Rusia. Por, roli rus edhe njëherë është diskutuar për shkak të kapjes ditën e shtunë të dy personave të cilët Ukraina tha se janë ushtarë të trupave elitë ruse që punojnë në lindje të këtij vendi.
Në një video, dy personat konfirmojnë se janë në shërbim aktiv të Rusisë por Moska tha se ata nuk kanë qenë më të punësuar nga shteti, në momentin që janë zënë rob.
Ndërkaq, presidenti Poroshenko bëri të qartë se kjo nuk është një luftë me separatistët që mbështeten nga Rusia, por një luftë e vërtetë me Rusinë.





Lajmet e fundit nga