web counter
LEXO PA REKLAMA!

SHKARKO APP

App Store
Google Play

NATO ndjek nga afër situatën në Maqedoni

18 Maj 2015, 16:17, Kosova & Bota CNA

Sekretari i Përgjithshëm i NATO-s Jens Stoltenberg tha sot se aleanca po i ndjek nga afër ngjarjet në Maqedoni dhe bëri thirrje për qetësi. Ndërkohë, protestuesit e opozitës ngritën çadra sot para parlamentit në Shkup pasi dhjetëra mijëra njerëz morën pjesë në një protestë kundër qeverisë dje dhe sot në mbrëmje pritet të organizohet një protestë në mbështetje të qeverisë. Maqedonia përballet me një prej krizave më të thella politike që nga shpallja e pavarësisë nga Jugosllavia në vitin 1991.

Stoltenberg tha se aleanca po i ndjek me vëmendje zhvillimet në Maqedoni.
?Maqedonia është një vend që aspiron anëtarësimin më NATO dhe se për këtë arsye ne kemi një marrëdhënie të ngushtë me të?.
Stoltenberg, foli gjatë një takimi të ministrave të jashtëm dhe të brendshëm të Bashkimit Evropian në Bruksel, një ditë pasi një tubim anti-qeveritar tërhoqi dhjetra mijëra protestues në Shkup, që valëvisnin flamuj maqedonas dhe shqiptarë në një shenjë uniteti etnik kundër një qeverie që është tronditur prej publikimit të bisedave të përgjuara.
?Besoj thellësisht se demonstratat paqësore janë pjesë e shoqërisë demokratike. E rëndësishme është që të mos ketë më dhunë, të sigurohemi për zhvillimin e institucioneve demokratike dhe që të zbatohet plotësisht shteti ligjor dhe që të shmangim shkallëzimin e krizës dhe konfliktin në Maqedoni?.

Kriza që ka tronditur qeverisjen konservatore nëntë vjeçare të Nikola Gruevskit, është më e rënda që kur diplomacia perëndimore shmangu një luftë të përgjithshme civile pas kryengritjeve në vitin 2001, duke i premtuar Maqedonisë integrim në Bashkimin Evropian dhe NATO.





Lajmet e fundit nga