E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

PS-LSI/ Konflikti në bazë vazhdon

18 Maj 2015, 11:15, Aktualitet CNA

Edhe pse dy partitë kryesorë të koalicionit të majtë, PS dhe LSI shfaqen në media si të angazhuara në bashkëpunimin që do ti drejtojë ata në rrugën e fitores së zgjedhjeve të 21 qershorit, duket se konflikti në bazë mes dy partive është I pranishëm, madje tani ka arritur pikën më kritike.

Problemet organizative janë të pranishme pothuajse në çdo bashki. Atje ku janë kandidatët janë të LSI-ë, strukturat e Partisë Socialiste nuk atashohen. Gjirokastra, Shkodra, Lezha dhe Pogradeci janë shembulli kryesor i konfliktit në bazën e partive, pa harruar këtu edhe Beratin, për të cilin ka pasur problem të shumta. Në këto qytete, kandidatit e LSI po lobojnë për marrë votën personale por edhe për partinë e tyre. Ky fakt i ka bërë socialistët të ndjehen të braktisur.

E njëjta situatë është edhe në bashkitë ku kandidatët janë socialist. Përfaqësuesit e PS-së, përveç votës personale kërkojnë edhe votën për partinë, madje në disa raste duke shfaqur një sjellje sikur nuk janë në të njëjtin koalicion. Por problem kryesor edhe në këto bashki është mos atashimi në një fushatë të përbashkët i strukturave të LSI-së. Korça është shembulli më I mirë që pasqyron konfliktet mes dy bazave të partive. Fundjava e kaluar shërbeu si sirenë alarmi në Korçë, ku vetë kreu I LSI, Ilir Meta shkoi në një tur që përfshinte juglindjen e vendit për prezantimin e kandidatëve së bashku me Kryeministrin Rama. Qëllimi këtij turi ishte bashkimi i strukturave, pas konflikteve të vazhdueshme.

Probleme janë shfaqur edhe në Kukës, Lezhë, Sarandë dhe në Durrës.

Ndërsa në Tiranë, duket se strukturat e LSI-së janë më afër kandidatit Erion Veliaj, por problemi më i madh në kryeqytet është se Veliaj ka pakënaqësi dhe konflikte me strukturat e PS-së dhe bazën e saj.

Këto probleme me bazat dhe strukturat e dy forcave të koalicionit ?Aleanca për Shqipërinë Europian? mund të sjellin rezultate negative në zgjedhjet e 21 qershorit. Edhe pse tani për tani janë shfaqur vetëm si maja e ajsbergut, konfliktet në bazë janë reale dhe përbëjnë një kërcënim serioz për koalicionin PS-LSI.