Braktisen strukturat e PD-së në Selanik/ Andrea Mano shpartallon strukturat në fushatë

17 Maj 2015, 18:34, Aktualitet CNA

Partia Demokratike ka braktisur totalisht strukturat e saj në Selanik të Greqisë. Burime nga drejtuesit e PD në këtë qytet bënë me dije për cityfm.al se ata janë braktisur totalisht dhe askush nuk është kujtuar për dhjetra mijëra emigrantë shqiptarë me bindje të djathta të cilët kanë qenë një suport i përhershëm i PD-së.

Të njëjtat burime bëjnë me dijë se është mbyllur prej disa muajsh zyra, pra strukturat e PD në Selanik, tashmë funksionojnë vetëm me telefon. Takimi i fundit është zhvilluar dy muaj më parë, ku morën pjesë edhe drejtues nga Tirana, por më shumë takimi i mbeti formalitetit dhe premtimeve.

Partia Demokratike ka në Selanik një strukturë të plotë me drejtues dhe antarë, e cila ka funksionuar si grupseksion në varësi të degës së Korcës, nga ku dhe koordinohej me qendrën. Pikërisht për këtë arsye drejtues të ndryshëm kanë zhvilluar takime me kryetarin e PD në Korcë Andrea Mano i cili shpesh ju ka premtuar, por më në fund shpalli se nuk kishte financa për të paguar qeranë e një zyrë për të pakrën 2 ose 3 muajt e fushatës.

?Ndërkohë që LSI dhe PS po zhvillojnë një fushatë mjaft aktive duke hapur zyrat elektorale, duke kryer takime dhe kontaktuar me emigrantët, PD nuk ka një zyrë të saj e cila duhet të funksionontë për të mbajtur kontakte më të afërta dhe drejtuar emigrante në Shqipëri, duke qartësuar kandidatët, zonat, emrat qendrat e votimit dhe gjithcka tjetër ishte e nevojshme?, u shpreh një prej drejtuesve të PD në Selanik.

Më tej ai shton se, ?Ka një braktisje dhe mungesë mbështetje, mund të themi se përgjegjësi kryesor është kreu i degës Korcë Andrea Mano, i cili kur kandidoi 4 vite më parë u mbeshtet nga të pakrën 3 mijë emigrant nga Selaniku, por këtë herë duke mos kandiduar vëtë ai nuk jep asnjë mbështetje dhe suport për këtë strukture. Tani është shumë vonë për hapjen e zyrës por kjo që po kryhet është një akt i turpshëm dhe i shëmtuar, nga njerës që PD-në e duan kur kandidojnë.

p.s. foto nga aktiviteti i mbajtur nga strukturat e PD ne Selanik 2 muaj me pare