Çako- Miller: Është me rëndësi mbështetja e ICITAP për zhvillimin e teknologjisë në Policinë e Shtetit

11 Maj 2015, 11:43, Politikë CNA

Drejtori i Policisë së Shtetit Drejtues Madhor Haki Çako zhvilloi diten e sotme një takim me Drejtorin e Përgjithshëm të ICITAP në SHBA ZRichard Miller. Çako pasi ka falënderuar Drejtorin e Përgjithshëm të ICITAP, për vizitën, i ka përcjellë Miller , vlerësimet më pozitive për ekipin e Icitap-it në vendin tonë, i cili është i atashuar pranë Policisë së Shtetit.

Me Bent, aktualisht Drejtor i Programit Icipat në Shqipëri së bashku me ekipin që ai drejton , kemi një marrëdhënie të konsoliduar dhe kemi bashkëpunuar në disa drejtime të rëndësishme si:

? Në drejtim të rritjes së aftësive për shkëmbimin e informacionit. ? Trajnimit të Efektivave të Luftës Kundër Krimit të Organizuar

? Menaxhimin e integruar të kufijve

? Për ngritjen e Byrosë Kombëtare të Hetimit ? Për ngritjen e Drejtorisë Antiterror Gjithashtu Çako ka vlerësuar si mjaft të rëndësishëm edhe mbështetjen e dhënë nga ICITAP për zhvillimin e teknologjisë dhe informacionit, në Policinë e Shtetit.

Ai e ka njohur Drejtorin e Përgjithshëm të ICITAP, mbi sfidat, fokusimin dhe orientimin e punës së Policisë së Shtetit. “Ne, jemi te fokusuar dhe të orientuar në drejtim të luftës Kundër Krimit të Organizuar, Terrorizmit, Krimit Ekonomik e Korrupsionit, Krimit Kirbernetik, Trafiqeve të paligjshme të qenieve njerëzore e lëndëve narkotike”, Çako. Richard Miller, Drejtor i Përgjithshëm i ICITAP në SH.B.A, nga ana e tij, ka uruar Drejtorin e Policisë së Shtetit për emërimin në detyrën e re, si dhe vlerësoi marrëdhëniet mes Policisë së Shtetit dhe ICITAP, si te shkëlqyera.

Projekti me Policinë e Shtetit Shqiptar është një nga projektet tona më afatgjatë që kemi me partnerët tanë dhe ky është një tregues i një bashkëpunimi të shkëlqyer mes partnerësh seriozë. Miller ka theksuar se puna që po bëni është në drejtimin e duhur. Prioritetet, fokusimi dhe orientimi që ju keni në punën tuaj janë të duhurat, pasi përkojnë edhe me prioritetet tona dhe për këtë motiv, ne do të vazhdojmë t?ju mbështesim duke mos u kushtëzuar nga limitet kohore për të ardhmen. Drejtori i Policisë së Shtetit ÇAKO, në përfundim të këtij takimi, e ka falënderuar Drejtorin e Përgjithshëm të ICITAP-it, për vlerësimin dhe besimin e treguar dhe e ka siguruar atë se jemi në të njëjtën autostradë dhe do mundohemi me përkushtim, profesionalizëm dhe ndershmëri t?ju ndjekim.