web counter
LEXO PA REKLAMA!

SHKARKO APP

App Store
Google Play

E fundit!

x

BDI sqaron pozicionin ndaj ngjarjeve në Kumanovë

11 Maj 2015, 14:48, Kosova & Bota CNA

Bashkimi Demokratik për Integrim sqaron përmes një komunikate qëndrimin në lidhje me ngjarjet në Kumanovë.
Në deklaratën e partisë shqiptare në Maqedoni thuhet se të gjitha strukturat e saj kanë ndjekur prej së afërmi të gjitha zhvillimet në Kumanovë më 9 dhe 10 maj dhe kanë qenë në kontakt të vazhdueshëm dhe të drejtpërdrejtë me popullatën e Kumanovës dhe Likovës, me degët dhe këshillat vendor të BDI-së në këto dy komuna, me pushtetin lokal, legjislativ dhe ekzekutiv si dhe me institucionet përkatëse

?Bashkimi Demokratik për Integrim vlerëson që ngjarjet në Kumanovë dhe Goshincë, por pa harruar edhe incidentet e tjera të sigurisë në muajt e fundit, nuk janë në vijë me orientimet tona strategjike dhe nuk paraqesin interes dhe përcaktim të kombit shqiptar në vend dhe rajon?, thuhet në komunikatën e lëshuar nga partia e Ali Ahmetit pas një mbledhje të Këshillit Qendror të mbajtur në Tetovë.
Në komunikatë thuhet se BDI garanton që institucionet e shtetit do të ndihmojnë banorët e Lagjes së Trimave për dëmet materiale.
?Bashkimi Demokratik për Integrim do të angazhohet për proces transparent hetimor dhe gjyqësor për të përfshirët në përleshjet e 9 dhe 10 majit në qytetin e Kumanovës?, thuhet në njoftim.
Siç njoftohet në komunikatë BDI mbetet e përkushtuar për një Maqedoni stabile dhe të sigurt.





Lajmet e fundit nga