web counter
LEXO PA REKLAMA!

SHKARKO APP

App Store
Google Play

E fundit!

x

Mustafa: Përkrahje lirisë së shtypit në Kosovë

3 Maj 2015, 11:21, Aktualitet CNA

Kryeministri i Kosovës, Isa Mustafa shprehu të dielën, angazhimin në përkrahje të lirisë së shtypit dhe të zgjerimit të përhapjes së lirë të informacionit në këtë shekull dixhital.

Në Ditën Ndërkombëtare të Lirisë së Shtypit, Kryeministri Mustafa, përmes llogarisë së tij në rrjetin social ?Facebook? vlerëson të rëndësishme lirinë e shprehjes, ndërsa thekson se, ?qeverisja e tij përjashton kërcënimin ndaj medias?.

?Sot të gjithë ne duhet të reflektojmë mbi rëndësinë jetike që ka segmenti i lirisë së shprehjes për zhvillimin harmonik të shoqërisë, qeverisjen e përgjegjshme dhe përafrimin me standardet euro-atlantike?, shkruan Mustafa.

Filozofia ime qeverisëse përjashton kërcënimin ndaj medias, vijon Mustafa, sepse sipas tij, ?kudo që kërcënohet pavarësia e medias, aty minohet liria njerëzore si edhe përgjegjësia qeveritare?.

?Qeveria që unë drejtoj do t?i përkrahë gazetarët në përpjekjet e tyre për të qenë të lirë e të pavarur. Në muajt e parë të qeverisjes, unë dhe qeveria që unë drejtoj, jemi munduar të përçojmë mesazhin për kursin e partneritetit me mediat, të ndërtuar mbi bazën e përgjegjësisë që kemi përpara qytetarëve?, vijoi Mustafa.

Ai i ftoi të gjithë gazetarët që të angazhohen me tërë potencialin që kanë, të kryejnë me nder e përgjegjësi misionin e tyre. ?Duke qenë të zëshëm ndaj çdo tendence manipuluese dhe duke përjashtuar njëherë e përgjithmonë praktikat abuzive, jam i bindur se do të krijojmë një ambient më të përshtatshëm për zhvillimin e lirisë së shprehjes, si një instrument i rëndësishëm i zhvillimit të demokracisë së shtetit tonë?, tha Mustafa.

?Qeveria që unë drejtoj angazhohet në përkrahje të lirisë së shtypit dhe të zgjerimit të përhapjes së lirë të informacionit në këtë shekull dixhital. Është koha që përfaqësuesit e vullnetit të qytetarëve të kryejnë obligimet e veta, për të siguruar ambient të përshtatshëm për zhvillimin e medias së lirë, përfshirë edhe transmetuesin publik, i cili duhet trajtuar në mënyrë të veçantë që të shkëputet nga rrjedha e deritanishme dhe të jetë në funksion të interesit të publikut?, vijoi Mustafa.

Sipas tij, ?kështu plotësohet një komponent i rëndësishëme i të drejtave të njeriut dhe fuqizohet shoqërinë civile, i kufizohet hapësira korrupsionit dhe i hapet perspektivë zhvillimit ekonomik dhe demokratizimit të vendit tonë?./KosovaPress/





Lajmet e fundit nga