E fundit!

08:02 Politikë

“Berisha nuk do njeri”/ Spaho degjeneron Mulin: Arrogant, nepotist, filli na ndau nga përplasja fizike

Ish-nënkryetari dhe ish-deputeti i Partisë Demokratike, Ed...

Deklaratat e Ramës në Shkodër, reagon Partia Demokratike

3 Maj 2015, 20:42, Politikë CNA

Vizita e sotme e Kryeministrit Rama nuk ka kaluar pa u komentuar nga Partisa Demokratike në Shkodër. Selia blu përmes një deklarate për shtyp nga kryetari i PD-së Shkodër, z. Ramiz Çobaj, akuzoi Kryeministrin si person me probleme shëndetësore, duke iu referuar mosnjohjes së stisur ndaj kandidates së PD-së për bashkinë e Shkodrës, Voltana Ademit.

Ja deklarata e plotë e PD-së Shkodër:

Deklaratë

Sot kryeministri Rama bllokoi të gjitha rrugët e Shkodrës me postblloqe policie dhe me paranojë.

Ky bllokim u bë për të deklaruar që Keti Bazhdari ishte Askushi. Është një pikë që jemi të gjithë dakord Zoti Kryeministër, është askushi nëse do ti referohemi konkretisht prejardhjes nga ti vjen.

Por reagimi jonë i referohet mosnjohjes tënde të stisur ndaj ish deputetes së Partisë Demokratike, sot kandidates së nderuar për Bashkinë e Shkodrës znj. Voltana Ademi.

Sigurisht që zonja Voltana njihet nga gjithkush, por e dimë mirë edhe nga ju. Është ajo parlamentare që ka mbajtur fjalën e saj çdo të enjte në parlament.

Është ajo parlamentare që ka denoncuar për njerëzit që ju i hodhët dhunshëm në rrugë nga zyrat e administratës.

Voltana Ademi ka ngritur zërin për taksat e larta, dhunën policore, ju ka denoncuar ju dhe qeverinë tuaj për trajtimin diskriminues që keni patur kundrejt çdo personi në pamundësi për të paguar një faturë elektrike.

Zonja Ademi ka denoncuar duke argumentuar profesionalisht reformën territoriale.

Ju sigurojmë që këto denoncime s?janë biseda kafeje apo krushqie.

Ose ju keni një memorie të shkurtër, ose memoria juaj është selektive, sepse ju keni harruar edhe kur Znj Ademi ju ka tërhequr vëmendjen për shëtitjen tuaj në plazhin e Velipojës. Por siç duket problemet tuaj shëndetësore s?po ndalen veç tek memoria, por edhe tek arsyeja. Kujdes zoti Kryeministër, sepse çelësat e stadiumit s?janë të asnjë qeverie, por të qytetarëve të Shkodrës. Kurse çelësat e Bashkisë së Shkodrës sigurisht që zoti Luka do t?ia dorëzojë zonjës Ademi.

Ju faleminderit!

Kryetari i PD-së, Ramiz ÇOBAJ.

Shkodrapress