web counter
LEXO PA REKLAMA!

SHKARKO APP

App Store
Google Play

Itali/ "Milan Expo 2015", përplasje mes protestuesve dhe policisë

1 Maj 2015, 18:26, Kosova & Bota CNA

Demonstrata të dhunshme shpërthyen sot në çelje të panairit botëror të Milanos ?Expo? që do të jetë i hapur për gjashtë muaj dhe do të fokusohet tek bujqësia dhe ushqimi, por edhe tek teknologjia më e fundit. Protestuesit u përleshën me policinë ndërsa kjo e fundit përdori gazin lotsjellës. Tym i zi u pa të dilte nga makinat që digjeshin në qendër të Milanos teksa grupet e demonstruesve vazhdonin të sulmonin policinë me gurë. Demonstrata erdhi si pasojë e situatës ekonomike të dobët dhe recesionit të vazhdueshëm.

Konfrontimi nisi vetëm pak orë pas ceremonisë luksoze të hapjes së panairit ku ishte i pranishëm kryeministri italian Mateo Renzi. Mijëra policë ishin vendosur në rresht për t?iu kundërvënë kërcënimit të akteve të dhunës para ngjarjes.

Për këtë ngjarje të rëndësishme janë shitur 10 milion bileta ndërsa sipas autoriteteve italiane, Milan Expo pritet të vizitohet nga rreth 20 milion njerëz ndërsa të ardhurat pritet ti kalojnë 10 miliard euro. Demonstratat ishin paralajmëruar kohë më parë nga kundërshtarët e kësaj ekspozite të cilët e konsiderojnë këtë zhvillim si simbol të korrupsionit.





Lajmet e fundit nga