E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Pr/ligji “Për hapjen e dosjeve”/ Doda: Së pari dosjet të hapen për zyrtarët e lartë

30 Prill 2015, 11:33, Politikë CNA

Kuvendi po vijon shqyrtimin e projektligjeve ?Për hapjen e dosjeve?, me draftin e propozuar nga shoqëria civile, i mbështetur nga deputetët Mesila Doda dhe Shpëtim Idrizi.

Në prezantimin e draftit, deputetja Doda tha nisma e shoqërisë civile ka në thelb hapjen e dosjeve për të gjithë, sidomos për ata që mbajnë poste administrative, duke larguar të inkriminuarit nga vendimarrja.

“Dua të bëj disa falënderime për shoqërinë civile dhe Studentët e Dhjetorit. Punë është produkt e dhjetëra mendimeve të ndritura dhe kurioze të së djathtës moderne. Forma e ardhjes së ligjeve. I pari erdhi nga studentët e dhjetorit.

Një peticion i nënshkruar nga dhjetëra qytetarë shqiptarëve dhe të huaj në të cilin kërkohej nga të gjithë bashkë hapja e dosjeve por edhe dënimi i të inkriminuarve. Ishte momenti kur duhej të arrihej një marrëveshje përtej politikës ndaj dhe ky draft erdhi nga jashtë. Ky ligj ka në thelb hapjen e dosjeve për të gjithë , të atyre që janë ose jo në politikë.

Së pari dosjet do të hapen për ata që janë në postet drejtuese. Ky draft u punua për rreth 3 vite dhe kjo që ju po sillni sot është farsë dhe shantazh. pasi Rama hedh në ?kosh? gjithçka që nuk sjell fitime. Ju keni përpara një iniciativë të rrëzuar në komisionin e ligjeve. Ky ligj ka sjellë shumë debat. Pse vendosa të sjell këtë projektligj, këtë nisëm? Sot unë them që ja vlen të provojmë për të nxjerrë të vërtetën. Ata që nuk duan një proces të vërtetë i vendosin asaj një pllakë hekuri”, u shpreh Doda.

Ajo ka folur ashpër ndaj kryeministrit Rama duke i thënë që të mos luaj teatër në lidhje me hapjen e dosjeve, pasi sipas saj, ai ka pranë vetës të inkriminuar dhe persona që janë pjesë e këtyre dosjeve. Sipas, projektligji i paraqitur nga mazhoranca është një farsë dhe një shantazh, duke thënë se hapja e dosjeve nuk mund të jetë kuriozitet adoleshentësh. ?Hapja e dosjeve nuk është kuriozitet adoleshentësh por çlirim i ndërgjegjes politike nga shumë padrejtësi. Kjo nuk është retorikë por guri i sizifit për politikën shqiptare. 3 herë kanë shkuar në gjykatën kushtetuese iniciativat e së Djathtës dhe të treja herët i keni dërguar ju. Pra ju nuk jeni bashkëpunëtor i asnjë nisme. Ti zoti Kryeministër ke një ushti xhelatësh që ti i ke graduar. Ky vend ka sjellë të rinj që kanë ndryshuar sistemin. Sot ka dhjetëra të rinj që duan të nxjerrin këtë vend nga klasa e krimit ku ju e keni përfshirë. Ky është vetëm fillimi i një procesi të gjatë që unë nuk do të ndalem. Do kesh përpara 10-ra kërkesa që do i refuzosh por të paktën shqiptarët do ta kuptojnë ndryshimin?, tha Doda.