web counter
LEXO PA REKLAMA!

SHKARKO APP

App Store
Google Play

E fundit!

x

INSTAT: Rriten importet e makinerive, kimikateve dhe ushqimet

28 Prill 2015, 10:20, Ekonomi CNA

Në muajin Mars importet nga vendet e BE-së u rritën 6,3 %, krahasuar me Mars 2014, duke zënë 62,0 % të importeve gjithsej, njoftoi sot INSTAT.
Sipas tij, peshën më të madhe e zënë Italia me 47,4 %, Greqia me 13,2% dhe Gjermania me 11,2%.
Kryesimin në importe e zunë mallrat si makineri, prodhimet kimike, cka tregon trendin rritës në investime nga biznesi privat. Por gjithashtu Shqipëria vijon të mbetet vend importues i ushqimeve, cka tregon ende nivel të ulët të bujqësisë për të plotësuar kërkesat e tregut vendas.
Vendet e BE-së me të cilët Shqipëria ka pasur rritje më të madhe të importeve, në krahasim me të njëjtën periudhë të vitit të kaluar janë Gjermania, Italia, Austria, ndërsa vendet me të cilët u ulën importet ishin Spanja, Greqia dhe Kroacia.
Krahasuar me Marsin e 2014-tës, sivjet importet janë rritur ndjeshëm nga Kina me 11,4% më shumë dhe Turqia me 7,2 % të totalit gjithsej.
Sipas ndikimit të grupeve kryesore në ndryshimin vjetor të importeve, rezulton se në muajin Mars rritja vjetore u ndikua kryesisht nga grupet që ndikuan pozitivisht. Kështu grupet ?Makineri, paisje dhe pjesë këmbimi? kontribuan me +7,1 pikë përqindje, ?Produkte kimike dhe plastike? kontribuan me +3,2 pikë përqindje, ?Ushqime, pije, duhan? kontribuan me +0,9 pikë përqindje.
Ndryshe këtyre grupeve, importet gjatë muajit Mars u ulën për grupet ?Minerale, lëndë djegëse, energji elektrike? që kontribuan me -8,5 pikë përqindje, ?Materiale ndërtimi dhe metale? që kontribuan me -0,4 pikë përqindje, ?Minerale, lëndë djegëse, elektrike? me -8,5 pikë përqindje, ?Tekstile dhe këpucë? me -1,2 pikë përqindje, dhe ?Materiale ndërtimi dhe metale? me -0,4 pikë përqindje.





Lajmet e fundit nga