web counter
LEXO PA REKLAMA!

SHKARKO APP

App Store
Google Play

Ligji për energjinë/ Vokshi: Pas burgut, tani qeveria të merr edhe shtëpinë

23 Prill 2015, 20:13, Aktualitet CNA

Deputetja e Partisë Demokratike, Albana Vokshi, është shprehur se absurdi i “Rilindasve” s’ka kufi. Në një reagim përmes rrjetit social Facebook, Vokshi shkruan se miratimi i ligjit të ri për energjinë, është një reformë për shtetforcim njësoj si mbushja e paraburgimeve me të varfër e pensionistë. Sipas Vokshit, kjo qeveri nuk u mjaftua me arrestimet e qytetarëve për faturat e papaguara, por tashmë do të sekuestrojë edhe banesat, duke i lënë në qiell të hapur.

Ja çfarë shkruan ajo në rrjetin social Facebook:

 

“Pas burgut, tani Qeveria te merr edhe shtepine nese nuk paguan dot faturat marramendese te energjise elektrike.

Absurdi i Rilindasve s’ka kufi.

Me mijëra shqiptarë, burra e gra, nëna e pleq, të arrestuar për cështjet e faturave të paguara e të papaguara, radha kilometrike natë e ditë në ngricë e në shi, si në kohën e Enver Hoxhes për të paguar faturat.

Kush mund të harrojë dramën e të miturit që jeton me bombul oksigjeni në Gur të Zi të Shkodrës që policët e Ramës ia prenë furnizimin me ajër. Torturë makabre që ndoshta nuk është përdorur as nga Hitleri e as nga Stalini.

Por edhe kjo nuk ju mjaftoi, tani këtyre qytetarëve të varfër do t?u rrëmbehet e do t’u sekuestrohen edhe shtëpitë.

Pyes Kryeministrin:
ku do jetojë këta qytetarë të varfër? Do I linin ë qiell të hapur?? Në mëshirë të fatit?? Ku do jetojnë fëmijët e tyre? Ku do të mësojnë??

Mos ndoshta edhe këtë metode Rilindja e kishte parashikuar si reformë për shtetforcim njësoj si mbushjen e paraburgimeve më të varfër e pensionistë, ndërkohe që deputetët, njerëzit ne qeveri dhe klanet e tyre janë të zhytur në evazion taksash, fatura fiktive për të mos folur për projekte e tendera korruptive pa fund” përfundon Vokshi.

 





Lajmet e fundit nga