web counter
LEXO PA REKLAMA!

SHKARKO APP

App Store
Google Play

E fundit!

x

PS/ Bushati: Basha në 4 vite nuk bëri asgjë për Tiranën, vetëm premtime boshe

22 Prill 2015, 14:38, Aktualitet CNA

Deputeti Ervin Bushati nga selia e Partisë Socialiste ka akuzuar kryetarin e PD-së, Lulzim Basha se në 4 vite në krye të Bashkisë së Tiranës nuk bëri asnjë punë, përveç premtimeve të pambajtura. Sipas tij Lulzim Basha duhet t?iu tregojë qytetarëve të Tiranës sa punë ka bërë për katër vite në krye të bashkisë.

?Lulzim Basha prezantoi sot një tjetër kandidat të PD dhe siç e ka zakon bëri të tjera premtime. Sepse Luli vetëm këtë di të bëjë. Di të premtojë, por nuk di të mbajë premtimet. Në katër vjet Lulzim Basha  nuk bëri asgjë për Tiranën. Nuk mbajti asnjë premtim, nuk bëri asnjë punë, por sot bredh nëpër Shqipëri duke premtuar zhvillim, punësim e investime lart e poshtë Shqipërisë. Lulzim Basha flet për përballje të opozitës me qeverinë në 21 qershor. Flet për përballje njeriu që nuk ka guxim as të përballet me qytetarët e Kryeqytetit për bilancin e punës së tij.

Përpara se të bredhë lart e poshtë Lulzim Basha duhet të gjejë sadopak kurajo e të dalë të përballet me kryeqytetasit: le t?u tregojë atyre se ç?bëri për gjelbërimin, parqet, këndet sportive, kartën studentore, nënkalimet, mbikalimet, parkimet, tramvajin e njëmijë e një çudirat e tjera. Nuk do t?i merrte shumë kohë. Duhen veç pak sekonda për të pasqyruar se çfarë ka bërë Luli për Tiranën në katër vjet: Asgjë! Lulzim Basha e di edhe vetë se ka dështuar. Pas 21 qershorit, kur Tirana do të ketë sërish një kryetar bashkie që do t?i hape rrugë miradministrimit, mirëqeverisjes, zhvillimit dhe normalitetit që kaq shumë ka munguar në këto 4 vjet, Lulzim Basha do ta kuptojë fare qartë edhe sesa rëndë ka dështuar?, u shpreh Bushati.





Lajmet e fundit nga