web counter
LEXO PA REKLAMA!

SHKARKO APP

App Store
Google Play

E fundit!

x

Bushati- Escudero: Shqipëria progres  5 prioriteteve për integrimin europian

22 Prill 2015, 13:58, Aktualitet CNA

Gjatë vizitës së tij zyrtare në Spanjë, ministri i Jashtëm, Ditmir Bushati ka zhvilluar takime edhe me  personalitete të larta spanjolle, ku u takua me Kryetarin e Senatit të Mbretërisë së Spanjës, z. Pio Escudero. Në takimin me Kryetarin e Senatit, Escudero dhe Kryetarin e Komitetit të Politikës së Jashtme në Kongresin e Deputetëve, z. Lleida, vëmendja e bashkëbiseduesve u fokusua tek procesi i integrimit evropian të vendit dhe intensifikimi i bashkëpunimit ndërparlamentar. Bashkëbiseduesit vlerësuan rolin rajonal aktiv dhe konstruktiv të Shqipërisë, si një vlerë e shtuar në përpjekjet për integrimin evropian.

Gjatë takimit me Sekretarin e Shtetit për Çështjet Evropiane z. Inigo de Vigo, palët diskutuan mbi procesin e integrimit evropian, përfitimin nga eksperienca spanjolle në këtë proces, reformat e ndërmarra nga qeveria shqiptare dhe progresin e bërë në drejtim të pesë prioriteteve me synim hapjen e negociatave për anëtarësim.

Gjithashtu, Ministri Bushati ishte i ftuar në Institutin Mbretëror ?Elcano? ku në fjalën e tij, ai evidentoi rolin e Spanjës dhe angazhimin e saj në Rajonin e Ballkanit Perëndimor, duke konsideruar se: ?Spanja ka qenë tepër prezente në rajonin tonë duke luajtur një rol aktiv në proceset stabilizuese dhe transformuese, ku ka dhënë një ndihmë të pazëvendësueshme si në aspektin e sigurisë ashtu edhe në atë të programeve zhvillimore në dy dekada. Ndaj, një riangazhim i Spanjës në rajonin e Ballkanit Perëndimor do të kishte një vlerë të shtuar drejt ankorimit të rajonit në rrjedhat Euroatlantike?.





Lajmet e fundit nga