web counter
LEXO PA REKLAMA!

SHKARKO APP

E fundit!

x

Panariti: Rishikim për licencat e peshkimit

15 Prill 2015, 14:13, Aktualitet CNA

Ministri i Bujqësisë Edmond Panariti gjatë një diskutimi për strategjinë e peshkimit me grupet e interesit deklaroi se firmat e peshkimit të zbatojnë me përpikmëri kriteret zhvillimore, pasi shteti nuk do të mbyllë sytë dhe do të jetë shumë kërkues.

Sipas ministrit një sektor nuk mund të zhvillohet pa u mbrojtur nga paligjshmëria dhe ky është hapi i parë që Ministria e Bujqësisë do të marrë në ndalimin e peshkimit me dinamit apo eksploziv.

?Ne duhet të stimulojmë shumë iniciativat e bazuara mbi partneritetin publik privat. Nuk kemi hezituar që të rishikojmë të gjitha ato licenca peshkimi të cilat nuk kanë zbatuar pikërisht angazhimet kundrejt shtetit qofte në kuptimin e kritereve të shfrytëzimit të zonave, qoftë në kuptimin e respektimit të ambientit.

Askush nuk duhet të shpresojë se ne do të tërhiqemi dhe do të mbyllim një sy nga ky partneritet. Nuk ka kuptim të zhvillohet një sektor pa e mbrojtur ata nga kaosi, konkurrenca e pandershme, pa e mbrojtur atë nga zhvillimi pa kriter i këtij sektori në dëm të mjedisit?, u shpreh Panariti.





Lajmet e fundit nga