E fundit!

09:46 Aktualitet

Fotolajm/ Vip-at e paguar nga Veliaj që protestojnë kundër Ramës

Një pjesë e personazheve publikë, të ashtuquajturit “VIP”-...

Zbardhet dosja e Riformatos, oficeri i policisë i siguroi drogën

14 Prill 2015, 06:12, Aktualitet CNA

11 muaj pas rrëzimit të një avioni ?Piper? në plazhin e Divjakës, Prokuroria e Krimeve të Rënda dërgon në gjykatë dosjen ndaj pesë të pandehurve, dy prej të cilëve në kërkim. Oficeri i policisë, Mariglen Ymeraj, sipas prokurorisë siguroi lëndën narkotike nëpërmjet shtetasit Gerti Demçe, ndërsa droga do të shitej nga baxhanaku i tij, Saimir Bajrami, që ishte pika e kontaktit me pilotin italian.

Prokurorisë së Krimeve të Rënda iu deshën 11 muaj hetime për të mbyllur një prej çështjeve që solli aq shumë debat në Parlament dhe qarqet politike: Trafiku i drogës me avion. Pas rrëzimit të një avioni të lehtë në plazhin e Divjakës, për shkak të një problemi në një prej rrotave, Krimet e Rënda nisën një hetim, që ka mundur të përfundojë vetëm pas 11 muajsh me 6 të pandehur.

Dosja ndaj pilotit italian, Giorgio Riformato dhe 5 shtetasve shqiptarë, tashmë i është dërguar Gjykatës së Krimeve të Rënda, ku të pandehurit do të përballen me akuzën e ?trafikut ndërkombëtar të lëndëve narkotike? në bashkëpunim. Sipas prokurorisë, të gjashtë personat në bashkëpunim me njëri-tjetrin tentuan të trafikojnë drejt Italisë nëpërmjet transportit me avion sasinë prej 305 kilogramësh lëndë narkotike kanabis, e siguruar në zonën e Lushnjës dhe Fierit nga dy persona të shpallur tashmë në kërkim, njëri prej të cilëve ish-efektiv policie.

Katër prej të pandehurve tashmë janë arrestuar, ndërsa në kërkim janë shpallur ish?agjenti i Antidrogës në Policinë e Fierit, Mariglen Ymeraj dhe personi që ka gjetur lëndën narkotike si dhe personat që e paketuan atë, shtetasi Gerti Demçe. Të gjithë të pandehurit akuzohen se me anë të avionit ?Piper? tentuan pasditen e datës 10 maj të 2014-s të trafikonin drejt Italisë 305 kg hashash.

Për llogari të kësaj dosjeje janë arrestuar piloti italian, Giorgo Riformato, organizatori i kësaj linje të trafikut të drogës, Sajmir Bajrami, si dhe dy paketuesit e lëndës narkotike, Kleviol Ahmetaj dhe Aurel Pupa. Ndërsa janë shpallur në kërkim ish?agjenti i Antidrogës në Policinë e Fierit, Mariglen Ymeraj dhe një tjetër person i përfshirë në ngjarje, i cili ka paketuar lëndën narkotike që do të transportohej drejt Italisë, i identifikuar si shtetasi Gerti Demçe.

Në 11 muaj hetime prokuroria thotë se ka mundur të zbardhë rolin e secilit prej të pandehurve, të cilët nëpërmjet veprimeve konkrete kanë bashkëpunuar mes tyre për të bërë të mundur trafikimin e lëndës narkotike që do të shitej në Itali nga Saimir Bajrami, i cili fillimisht nuk pranoi njohjen me pilotin italian.

Por nga hetimi u arrit të zbulohej se Bajrami, rezident prej vitesh në Itali, kishte qëndruar në të njëjtin hotel me pilotin Riformato, vetëm pak metra larg Prokurorisë së Përgjithshme në Tiranë. Përballë provave të prokurorisë, Sajmir Bajrami dhe Kleviol Ahmetaj, një nga personat që ka paketuar lëndën narkotike, kanë rrëfyer organizimin për trafikun e drogës.

Burime të prokurorisë thanë se piloti italian kishte pranuar të bënte transportin e lëndës narkotike në rrugë ajrore nga Shqipëria drejt Italisë, kundrejt çmimit prej 400 eurosh për 1 kg drogë. Mallin e kishte siguruar në Shqipëri ish-agjenti i Policisë, Mariglen Ymeraj së bashku me baxhanakun e tij, Sajmir Bajrami, i cili ishte edhe personi i kontaktit në Itali me pilotin Riformato.

Ish?agjenti i Policisë, Ymeraj kishte gjetur me ndihmën e Gerti Demçes edhe dy personat e arrestuar, Ahmetajn dhe Pupën, për paketimin dhe më pas ngarkimin e lëndës narkotike në avionin që u rrëzua në plazhin e Divjakës. Piloti italian ka mbajtur qëndrim mohues për këtë çështje, duke thënë se në Shqipëri kishte ardhur për qëllime turistike dhe pas defektit në avion ai ka tentuar të ulet në plazhin e Divjakës, ku u ndalua nga policia si i dyshuar për trafik të lëndëve narkotike.

Por pavarësisht këtij pretendimi, burime të prokurorisë thonë se ndaj pilotit italian ka prova që e implikojnë atë në veprimtarinë e trafikut të drogës. Pamjet filmike ku Riformato shfaqet bashkë me të pandehurin Samir Bajrami, sipas prokurorisë tregojnë se ata jo vetëm që kanë njohje mes tyre, por kanë bashkëpunuar në trafikun e lëndës narkotike drejt Italisë. Pasditen e 10 majit të vitit të shkuar policia bllokoi një avion të ngecur në plazhin e Divjakës dhe me njërën rrotë të dëmtuar si pasojë e përplasjes së momentin e uljes.

Në momentin e arrestimit policia gjeti sasinë prej 305 kg hashash, si dhe Bajramit iu gjetën një sasi prej 27 mijë eurosh, që mendohet se ishte kësti i parë i pagesës për pilotin që do të kryente transportin. Sipas dosjes së dorëzuar në gjykatë, mësohet se hetimet për bashkëpunëtorë të tjerë janë veçuar pasi është dërguar letër?porosia edhe në shtetin fqinj.