web counter
LEXO PA REKLAMA!

SHKARKO APP

App Store
Google Play

E fundit!

x

BSH: Aftësia për të paguar borxhin e jashtëm është përkeqësuar

9 Prill 2015, 14:45, Aktualitet CNA

Aftësia ripaguese afatgjatë e borxhit të jashtëm është përkeqësuar duke nisur nga vitit 2008. Treguesi relativ i borxhit të jashtëm bruto kundrejt eksportit të mallrave dhe të shërbimeve ka tejkaluar pragun teorik optimal lajmëron Banka Qendrore. Raporti i borxhit të jashtëm bruto kundrejt eksportit të mallrave dhe të shërbimeve ishte rreth 182% në fund të tremujorit të tretë të vitit 2014. Ky raport është zvogëluar me rreth 7.2 pikë përqindje në nivel vjetor por është zgjeruar me rreth 6.2 pikë përqindje në nivel tremujor.

Banka lajmëron se ecuria e regjistruar u ndikua nga zgjerimi me ritme më të moderuara të eksportit të mallrave e të shërbimeve krahasuar me prirjen e regjistruar të borxhit të jashtëm bruto. Për Shqipërinë, raporti i borxhit të jashtëm bruto kundrejt të ardhurave fiskale vlerësohet në nivelin 258.9% deri në fund të tremujorit të tretë të vitit 2014.

Megjithatë, duke filluar që nga tremujori i dytë i vitit 2013, ky raport mbetet lehtësisht mbi pragun hipotetik optimal të propozuar nga literatura e fushës, njofton Banka e Shqipërisë. Autoriteti Qendror Bankar shpjegon se, aftësia afatgjatë ripaguese e vendit është e lidhur ngushtë me performancën e ekonomisë ashtu si edhe me shpërndarjen në kohë të shërbimit të borxhit të jashtëm. Në kushte optimale, shërbimi i borxhit të jashtëm nuk duhet të ketë ndikim negativ në ekonomi që mund të burojë prej përqendrimit të burimeve financiare drejt funksionit ripagues.





Lajmet e fundit nga