web counter
LEXO PA REKLAMA!

SHKARKO APP

App Store
Google Play

E fundit!

x

Masakra me tre të vrarë në Vlorë, pistat kryesore prishja e pazareve dhe konflikti për një femër

8 Prill 2015, 06:10, Aktualitet CNA

Një krim ku janë përfshirë 7 persona dhe që ka ngritur shumë pista mbi shkaqet e saj. Ngjarja që u mori jetën 3 personave ka lënë të hapura për hetuesit motivet pse ndodhi, deri në zbardhjen e plotë të tyre nga të mbijetuarit e përplasjes me armë. Pistat e Policisë, siç mësohet nga burime jozyrtare, variojnë nga prishja e pazareve e deri te konflikt i momentit, për një femër.

Burime nga grupi hetimor bënë të ditur se disa prej viktimave e të arrestuarve rezultojnë me precedentë penalë për vepra të rënda, siç është edhe trafiku i drogës e prostitucionit. Dyshohet se të rinjtë kishin njohje me njëri tjetrin jo vetëm si qytetarë të Vlorës dhe rrethinave të tij, por dhe se kishin ndërvepruar në trafik në shtetet ku kishin emigruar.

Ndërkaq, një tjetër burim nga grupi hetimor bëri të ditur se nga të dhënat e siguruara kanë arritur në një tjetër pistë që është duke u hetuar. Sipas të dhënave, dy grupet e djemve kanë pasur një sherr e përplasje fizike mes tyre që mbrëmjen e së hënës.

E gjitha kishte marrë shkas pas një zënke për një femër, të cilën dyshohet se e ngacmonin dy prej të rinjve, por se kush ishin protagonistët policia e ka mbajtur të fshehtë. Pas sherrit të mëparshëm, grupi i djemve të rinj kanë shkuar dhe dje për të kërcënuar dy ?rivalët?: Haki Rakipin dhe Alfred Velajn. Por situata ka precipituar sërish me përplasje e ofendime, duke përdorur më pas edhe armët e zjarrit’ raporton ‘Panorama’.

 





Lajmet e fundit nga