web counter
LEXO PA REKLAMA!

SHKARKO APP

App Store
Google Play

E fundit!

x

Shtatëzania pa u fejuar, në gjyq babai që vrau vajzën

6 Prill 2015, 06:48, Aktualitet CNA

Dhjetë muaj pas vrasjes me armë zjarri të Fatmira Dushkut në fshatin Sllatinë, komuna Sllovë në Dibër, Prokuroria e Krimeve të Rënda dërgon në gjyq dosjen ndaj babait të viktimës.

Doksan Dushku, 70 vjeç, i arrestuar në 28 maj 2014, akuzohet nga Prokuroria e Krimeve të Rënda për veprën penale ?vrasje për shkak të marrëdhënieve familjare? në dëm të vajzës së tij, Fatmira Dushku.

Sipas hetimeve të Prokurorisë ka rezultuar se shkak për vrasjen e vajzës nga ana e babait ka qenë pikërisht shtatzënia e 21-vjeçares. Në kërkesën për gjykimin e çështjes, organi i akuzës thekson se disa javë para se të vriste të bijën, autori i krimit Doksan Dushku, ka konstatuar se vajza e tij ishte shtatzënë. Për këtë arsye, ai është interesuar të mësonte kush ishte personi me të cilin vajza kishte mbetur shtatzënë, pasi Fatmira Dushku nuk ishte as e fejuar dhe as e martuar.

Duke qenë se për disa kohë vajza nuk ka pranuar të tregonte se kush ishte babai i fëmijës që kishte në bark, marrëdhëniet familjare janë acaruar së tepërmi. Disa ditë para krimit në familje, Doksan Dushku ka mësuar se vajza e tij mund të kishte lidhje me një kushëri të fisit të tij dhe për këtë arsye, sipas Prokurorisë, ka shkuar disa herë në spitalin e Peshkopisë, duke kërkuar ndihmë nga mjekët që vajza të abortonte fëmijën.

Pasi ky skenar nuk është realizuar, sipas Prokurorisë, autori i ngjarjes ka mbledhur të afërmit e tij në banesë dhe ka diskutuar me ta për vendimin që do të merrte në lidhje me vajzën. Gjatë diskutimeve në familje, vajza pretendohet se i është shprehur babait të saj se ?unë e dua A ( fjala ishte për një student, kushëri i largët i familjes së 21- vjeçares? raporton ?Panorama?.

 





Lajmet e fundit nga