web counter
LEXO PA REKLAMA!

SHKARKO APP

App Store
Google Play

6 prilli dita kur Sarajeva u çlirua dhe u bombardua

6 Prill 2015, 13:45, Aktualitet CNA

Në këtë ditë të këtij viti Sarajeva feston 70 vjetorin e çlirimit në Luftën e Dytë Botërore, ndërsa është shumë interesant fakti që katër vite më parë në kuadër të sulmeve gjermane mbi Mbretërinë e atëhershme jugosllave, pikërisht në këtë ditë të vitit 1941 Sarajeva filloi të bombardohej. Pas luftimeve të ashpra më 6 prill 1945 u thye rezistenca gjermane. Diçka e ngjashme ndodhi edhe në historinë e re të Sarajevës dhe Bosnje e Hercegovinës, shkruan Anadolu Agency.

Pas çlirimit në Luftën e Dytë Botërore, 47 vjet më vonë, Sarajeva filloi një betejë tjetër. Që nga fillimi i agresionit dhe rrethimit, deri më 31 korrik 1995 në Sarajevë u vranë, vdiqën nga uria, të ftohtit dhe u zhdukën 11.541 civilë, duke përfshirë 1.598 fëmijë. Dëmi material që u shkaktua është i paçmueshëm. Agresioni mbi Bosnjë dhe Hercegovinën pasoi një muaj pas referendumit për pavarësi nga ish Jugosllavia edhe ashtu e shpërbërë.

Pikërisht në Ditën e qytetit të Sarajevës, 23 vjet më parë, më 6 prill 1992, kur Komuniteti Europian kishte njohur Bosnje dhe Hercegovinën si shtet të pavarur, mbi Sarajevën pason një sulm i ri. Pas gjenocidit në Srebrenicë dhe masakrës në tregun e Sarajevës-Markale, Organizata e Traktatit të Atlantikut Verior (NATO) ndërhyri në kuadër të operacionit ?Forca e matur?, duke granatuar pozita të rëndësishme të Armatës së entitetit të Republikës serbe, e cila me lirimin e Bosnjës Perëndimore, rezulton të jetë vendimtare për përfundimin e luftës.

Përfundimin e Luftës e shënon marrëveshja kornizë e arritur në Paris më 14 dhjetor 1995, ndërsa negociatat paqësore në Deyton përfunduan më 21 nëntor 1995, e cila është pjesë përbërëse e Kushtetutës së BeH dhe përcakton Bosnje dhe Hercegovinën e sotme.





13:07 Aktualitet

Apokalips Qiellor

Nga Artan FUGA Furtuna dhe rreshjet e mbrëmbshme në darkë më...

Lajmet e fundit nga