web counter
LEXO PA REKLAMA!

SHKARKO APP

App Store
Google Play

Mustafa: Pashkët na ngjallin shpresën

4 Prill 2015, 20:53, Kosova & Bota CNA

Kryeministri i Kosovës, Isa Mustafa, uroi sot të gjithë besimtarët e krishterë për festën e Pashkës, festë që na kujton dhe na ngjall shpresën, që aq shumë na nevojitet për jetën, punën dhe familjet tona.

Në një postim në rrjetin social Facebook, kryeministri Mustafa shkruan se?të gjithë besimtarëve të krishterë, por edhe miqve tanë ndërkombëtarë që po punojnë bashkë me ne për të ardhmen e vendit tonë, Ju urojmë Gëzuar Pashkët, ditën e shpresës së pashuar dhe të përjetësisë, ditën e ringjalljes së Krishtit!?.

?Në këtë ditë të shenjtë të Pashkës, ju uroj secilit prej jush dhe familjeve tuaja dashuri, lumturi, paqe e miqësi. Pashkët, me anë të simbolit të përsosjes përmes sakrificës, na japin shembullin e rrugës drejt Virtytit. Pashkët na kujtojnë dhe na ngjallin shpresën, që aq shumë na nevojitet, për jetën tonë, për punët tona, për familjet tona, për të ardhmen tonë. Në këtë ditë të shenjtë, është koha të shohim vlerat që na bashkojnë, t?i gëzohemi familjeve tona, njerzve tanë të dashur, fëmijëve tanë e t?u japim atyre bekimin për një jetë sa më të gëzueshme, për një jetë sa më të bukur. Ju uroj të gjithëve, Pashkë të mbushur me gëzim e jetë. Zoti ju bekoftë të gjithëve!?, përfundon Mustafa./KosovaPress/





Lajmet e fundit nga