web counter
LEXO PA REKLAMA!

SHKARKO APP

App Store
Google Play

Kosovë, përgatitje për takim të përbashkët me qeverinë e Maqedonisë

4 Prill 2015, 13:57, Kosova & Bota CNA

Qeveria e Republikës së Kosovës paralajmëron një takim të përbashkët, të parë, me qeverinë e Republikës së Maqedonisë. ?Është përgatitur edhe takimi i përbashkët me qeverinë e Maqedonisë për të arritur marrëveshje në fusha me interes të përbashkët, sidomos ato të sigurisë, në kalimin më të lehtë të kufirit dhe në tregti dhe fushën fiskale?, ka theksuar kryeministri kosovar Isa Mustafa në Kuvendin e Kosovës.

Ai deklaroi kështu në seancën plenare të Kuvendit kosovar, ku gjatë dy ditëve të kaluara është zhvilluar debat parlamentar lidhur me punën 100 ditëshe të kryeministrit Mustafa dhe Programin qeverisës.

Gjatë një takimi dje, ministri kosovar i Bujqësisë, Pylltarisë dhe Zhvillimit Rural, Memli Krasniqi dhe ambasadori maqedonas në Prishtinë, Ilija Strashevski, vlerësuan se mbledhja e përbashkët e qeverive të dy vendeve, Kosovës dhe Maqedonisë, që pritet të mbahet në të ardhmen, do të jetë një hap i rëndësishëm për bashkëpunimin mes dy vendeve në fushën e bujqësisë, por edhe në fusha të tjera.

Dy shtetet fqinje, Maqedonia dhe Mali i Zi e kanë njohur Kosovën në të njëjtën ditë ? në 9 tetor 2008, duke e ngritur numrin e njohjeve në 50. Ndërsa, deri tash, pavarësia e Kosovës e shpallur në 17 shkurt 2008 është njohur nga 108 shtete anëtare të OKB-së.





Lajmet e fundit nga