E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

A do të luajë Gjergj Bojaxhiu, rolin e Hysni Milloshit ?!

4 Prill 2015, 16:35, Aktualitet CNA

Nga Erget CENOLLI

E vetmja kandidaturë e sigurt për kryebashkiak të kryeqytetit deri më tani është ajo e Gjergj Bojaxhiut. Kjo kandidaturë është propaganduar si e pavarur. Historia me kandidat ?të pavarur? na kthen katër vite më parë.
Në zgjedhjet vendore të viti 2011 në ndeshjen e madhe ?Rama ? Basha?, pozita e asaj kohe e përbërë nga boshti PD- LSI dhe me shumë parti të tjera të vockla, ndonëse kishte forcën e pushtetit, u shfaq e frikësuar përpara figurës të Edi Rama , në atë kohë me besueshmëri ende të lartë te votuesit tiranas.
Ndonëse, sipas shtypit të kohës, të djathtët e shtuan artificialisht numrin e votuesve pro tyre edhe me rreth 40 mijë të ardhur nga vise të tjera shqiptare, përsëri sondazhet nxirrnin në avantazh Ramën. Atëhere, po sipas shtypit të asaj kohe, me ndërhyrjen e zotit Ilir Meta, në lojë u fut një tjetër kandidaturë; Hysni Milloshi, kryetar I PKSH. Futja e kësaj ?pyke? elektorale i krijoi të çara të rëndësishme së majtës , për rrjedhojë zoti Rama humbi zgjedhjet me një rezultat shumë të ngushtë prej pak më tepër se 1 mijë vota.
Sot, duke qënë se historia përsëritet, hallin e së djathtës e ka e majta. Ndonëse me një kolalicion shumë të gjerë PS- LSI- Çamët dhe me sa duket edhe Bamir Topi, kandidatura e së majtës nuk duket fare e sigurt në zgjedhje; rezultat ky i sjelljes barbare me pushtetin, për këta gati dy vite.
Tani ?pyka? elektorale me sa shohim do të bëhet Gjergj Bojaxhi, në të kaluarën një njeri i njohur i së djathtës shqiptare. Ai duket se po e nis me vrull aksionin e tij politik, ndërsa pa filluar ende fushata elektorale lëshoi aferën e kërcënimit për kandidimin, një taktikë tashmë e njohur për të tërhequr vëmendjen e publikut dhe votuesit.

A do të arrijë zoti Bojaxhi suksesin elektoral të Hysni Milloshit ?!

Unë mendoj se tashmë elektoralti është i ndërgjegjësuar, për t?u gënjyer nga këto lloj trukesh, megjithatë le të presim me durim 22 qershorin.