web counter
LEXO PA REKLAMA!

SHKARKO APP

App Store
Google Play

Video nga celulari brenda avionit? Hetuesit kërkojnë dorëzimin

1 Prill 2015, 16:00, Aktualitet CNA

Hetuesi që drejton punën për zbardhjen e plotë të rrëzimit të avionit gjerman Germanëings i është drejtuar publikut me kërkesën që nëse kanë video të katastrofës ta dorëzojnë tek autoritetet.
Prokurori francez, Brice Robin tha se nuk ishte në dijeni të videos që ekziston sipas medias gjermane dhe franceze e që tregon sekondat e fundit përpara rrëzimit.
Bild dhe Paris Match thanë se kishin video të regjistruara në avion me celular.
Ndërkaq, në vendin e rrëzimit mbërritëne dhe shefat e kompanisë ajrore, në zotërim të avionit nga rrëzimi i të cilit u vranë 150 njerëz.
Vizita e tyre vjen midis pyetjeve që shtohen sesa ishin në dijeni punonjësit e kompanisë për gjendjen mendore të pilotit të dytë Andreas Lubitz pasi në media doli se ai kishte pasur një episod të rëndë depresioni.
Regjistrimi nga kabina e pilotëve sugjeron se 27 vjeçari Lubitz e rrëzoi qëllimisht avionin, duke shkaktuar një katastrofë.
telefonat celularë të gjetur në vendin e rrëzimit nuk janë analizuar ende, thanë zyrtarët. Sipas prokurorit, nuk ka të dhëna për video të regjistruara me anët të telefonave.
Por, gazeta gjermane Bild dhe revista franceze Paris Match thanë se kanë siguruar një video që ka të regjistruar britmat e pasagjerëve dhe tingullin e një objekti metalik që përplaset me derën e kabinës.
Pronarët e kompanisë Luftthansa të cilët vizituan vendin e rrëzimit të avionit falënderuan punonjësit e emergjencave dhe premtuan të shndërronin sajtin në një vend zie e lutjesh për familjarët e viktimave e të kthenin peisazhin në gjendjen e mëparshme.
Ata vendosën memorialin e kompanisë në respekt të të vrarëve por refuzuan të pyeteshin nga gazetarët për hetimin.





Lajmet e fundit nga