web counter
LEXO PA REKLAMA!

SHKARKO APP

App Store
Google Play

Festë në fundjavë, Braçe kundër vendimit të qeverisë për të hënën pushim

1 Prill 2015, 13:27, Aktualitet CNA

Deputeti i Partisë Socialiste Erjon Braçe ka reaguar me anë të një postimi në rrjetin e tij social Facebook lidhur me vendimin e qeverisë për shpalljen e të hënës pushim nëse festa bie në fundjave. Sipas Braçes Kodi i Punës aktualisht është një vjetërsirë që nuk zbatohet, reforma e tregut të punës duhet në radhë të parë të bëjë punën të sigurt.

?Sipas këtij vendimi për festa e pushime, java ime e punës është: Të hënë pushim, të martë punë, të mërkurë pushim, të enjte saliberishizëm, të premte punë në zonë, të shtunën pushim, të dielë pushim. Sa punë, sa punë. Po patjetër edhe e hëna pushim. Fjala bie: Unë në Kuvend kam mundësi të punoj me ligjet vetëm të hënë dhe të martë. Për shkak të rregullores së Kuvendit duhet që Relacionet si dokumenti i fundit pas shqyrtimit të projektligjeve të depozitohen 24 orë përpara. Pra të mërkurën nuk mund të punoj me projektligjet.

Domethënë, të hënën pas vendimit pushim, të mërkurën pushim, të shtunë pushim, të djelë pushim, të martë punë, të ente saliberishizëm, të premte në zonë. U këputëm në punë. Kulmi, të drejta njeriu si këto nuk kam parë kund. Vetëm një gjë kam me vendimin e qeverisë: si ti bindim bujqit e mi që të mos punojnë të shtunën, të dielën dhe të hënën? Seriozisht, Kodi i Punës aktualisht është një vjetërsirë që nuk zbatohet jo për ditët e pushimit por për cdo gjë. Reforma e tregut të punës duhet në radhë të parë të bëjë punën të sigurt, të mbrojtur, të mirëpaguar dhe natyrisht ditët e pushimit janë në fund fare për të nxjerrë punën nga shfrytëzimi, madje në disa raste edhe nga skllavëria?, shkruan Braçe.





Lajmet e fundit nga