web counter
LEXO PA REKLAMA!

SHKARKO APP

App Store
Google Play

Kom. Ekonomisë, prezanton 2 kandidaturat për Inspektor në BSH

1 Prill 2015, 12:44, Ekonomi CNA

Në mbledhjen e sotme të Komisionit për Ekonominë dhe Financat, u prezantuan kandidaturat për kryeinspektor të Bankës së Shqipërisë. Emrat e vendosur në mbledhja janë Everest Musta e Merita Bejtja. Afati i postit të kryeinspektorit të BSH është 5-vjeçar, ndërsa për momentin ky pozicion në BSH është bosh që pas largimit Elivar Golemit, e cila është në proces gjyqësor për vjedhjen e 713 milionë lekëve nga thesari i shtetit në BSH në korrik të 2014-ës.  Dosja e saj është veçuar nga të pandehurit e drejtpërdrejtë për këtë vjedhje.

Gjithashtu në komision u shqyrtua propozimi i PD-së lidhur me projektligjin ?Për tatimin mbi vlerën e shtuar në Republikën e Shqipërisë?. Deputeti i PD-së, z. Sherefedin Shehu tha se kjo forcë propozon që TVSH-ja për furnizimin e energjisë elektrike, të ulet nga 20% në 6%. Sipas tij, në këtë mënyrë do të lehtësohet barra ekonomike që po përballojnë sot shqiptarët.

Ndërsa Ministri i Financave, z. Shkëlqim Cani tha se propozimi për uljen e TVSH-së, është diskutuar nga opozita edhe me misionin e radhës së Fondit Monetar Ndërkombëtar dhe se ky institucion  ka qenë kundër përshkallëzimit të TVSH-së. Ministri u shpreh se qeveria ka nisur një reformë që synon shëndoshjen e sistemit energjetik dhe se politika e çmimeve e ndërmarrë nga qeveria, nuk preku shtresat në nevojë, pasi ato u kompensuan.





Lajmet e fundit nga