web counter
LEXO PA REKLAMA!

SHKARKO APP

App Store
Google Play

E fundit!

x

8.9 miliard lekë për rimbursimin e barnave

30 Mars 2015, 18:27, Ekonomi CNA

8.9 miliard lekë ka qënë buxheti i akorduar për vitin 2015 për rimbursimin e barnave dhe të paisjeve mjeksore.  Këtë vit lista e barnave të rimbursuara është shtuar me 29 barana të reja ku pjesa më e madhe e tyre janë barna për trajtimin e sëmundjeve kanceroze, pra për onkologjinë janë shtuar 7 barana të reja. Ndërsa 12 prej barnave të reja të shtuara janë principe të reja aktive. Këto barna përmirësojnë dhe zgjerojnë trajtimin e pacientëve në shërbime si: Onkologjik, Gastro-hepatologji, Pneumologji, Reumatologji, Infektiv, në terapinë kardiake, Parkinson, etj. Kjo listë hyn në fuqi pas pak ditësh, më 1 Prill 2015 dhe që nga ky moment do të jetë e mundur rimbursimi i barnave për pacientët në nevojë, sipas listës së re të barnave.
Një tjetër risi e kësaj liste është edhe rimbursimi i materialeve mjeksore për të cilat ka patur kërkesa të vazhdueshme në Fond nga popullata në nevojë. Fondi i sigurimit të detyrueshëm shëndetësor do të bëjë të mundur këtë vit edhe rimbursimin e materialeve mjekësore, siç janë strishat për diabetikët, aq të nevojshme për të mbajtur nën kontroll sëmundshmërinë, e për pasojë, për të patur një mjekim efikas e cilësor për pacientët; qeset njëpërdorimshe për shkarkimin kolostomik; disa pajisje për kardiologjinë invasive ndërkohë që ky rimbursim po kryhet për herë të parë.
Etleva Korkuti drejtoreshë e çmimeve dhe rimbursimit të barnave ndalet në atë se çfarë ofron fondi në këtë vit. Ka një ndryshim të dukshëm sa i takon çmimit të barnave këtë vit. Kështu sipas Vendimit të Këshillit të Ministrave për ngritjen dhe funksionimin e Komisionit të Çmimit të Barnave përcaktoi qartë këtë vit se, çmimi i barnave duhet të jetë i krahasueshëm me çmimin e pesë vendeve të Rajonit (Maqedoni, Greqi, Itali, Serbi dhe Kroaci) dhe nuk mund të jetë më i lartë se në këto vende.
Ky vendim, i mundësoi Komisionit që miraton çmimet e barnave pranë Ministrisë së Shëndetësisë, që të arrijë një ulje të konsiderueshme të çmimeve të barnave këtë vit, ulje e cila reflektohet jo vetëm në listën e rimbursimit por edhe në tregun e hapur farmaceutik. Disa nga çmimet e barnave që pësuan ulje krahasuar me një vit me parë janë: Bari Lercanidipine që përdoret në Kardiologji, nga 24.7 lek (çmimi ref/njësi) u ul këtë vit në 15.8 lek. Bari Imatinib që përdoret për Leuçeminë, nga 1776.2 lek është ulur në 384.4 lek.
Bari Capecitabin që përdoret në Onkologji, nga 307.90 lek është ulur në 153.6 lek. Insulina Glargine për diabetikët ? nga 1891 është ulur në 1461 lek. Në 30 Mars ka dalë nga shtypshkronja edhe lista e plotë e botuar e barnave të rimbursuara që ju shperndahet farmacive dhe mjekëve, në mënyrë që gjithçka të jetë gati në datën 1 Prill ku do të fillojë aplikimi i listës së re të miratuar të barnave dhe materialeve mjeksore. RTV Scan





Lajmet e fundit nga