web counter
LEXO PA REKLAMA!

SHKARKO APP

App Store
Google Play

E fundit!

x

Bregu: Liria e medias, jo mburojë nën të cilen gëlon shpifja  për tjetrin

1 Prill 2015, 12:10, Politikë CNA

Deputetja e Partisë Demokratike Majlinda Bregu  gjatë mbledhjes së sotme e ftuar në Komisonin e Ligjeve ka bërë me dije se ka propozuar dy iniciatiavat e saj të propozuara edhe disa muaj më parë. Sipas Bregut, e para ka të bëjë me lirinë e medias e cila nuk mund të gëlojë shpifjen dhe denigrimin dhe e dyta mbrojtja e interesit më të lartë, ajo e fëmijës.

?Sot ne Komision te Ligjeve e ftuar për dy iniciativa ligjore qe kam propozuar para disa muajsh.
E para: Për te detyruar portalet online te fshijnë te gjitha komentet e lexuesve te cilat kalojnë përtej kriticizmit te pranueshëm dhe cenojnë nderin, dinjitetin e personalitetin e një individi, duke perdorur gjuhe urrejtje, fyerje. Liria e medias dhe e te shprehurit nuk mund te jete mburoje nen te cilën te gëlojë, shpifja e denigrimi per tjetrin. Shpresoj qe po aq vëmendje sa kjo iniciative ka ngjallur ne qarqet e juristeve, te gjeje mbështetje dhe tek administratoret e medias online.

Propozimi i dyte eshte shprehje e mbrojtjes se interesit me te larte, atë te mbrojtjes se fëmijës.
Ne rastet e divorcit gjykata percakton nje detyrim ushqimor për fëmijët.  Jo rralle prindi qe ka detyrimin per te paguar nje shume mujore per rritjen dhe edukimin e femijeve, e shmang kete detyrim duke apeluar vendimin e gjykatës. Por fëmijët ushqehen, vishen dhe edukohen cdo dite dhe nuk mund te presin gjyqet per tu ushqyer. Kam propozuar qe detyrimi ushqimor te nise te paguhet menjehere me nisjen e procesit per divorc?, u shpreh Bregu.





Lajmet e fundit nga