web counter
LEXO PA REKLAMA!

SHKARKO APP

App Store
Google Play

Kodheli: Terrorizmi mund të luftohet vetëm duke u integruar në familjen evuropiane

31 Mars 2015, 17:23, Politikë CNA

Ministrja e Mbrojtjes Mimi Kodheli, gjatë një vizite në Itali mbajti nje leksion me temë, ?Situata e Sigurisë në Evropë dhe sfidat e kërcënimet e saj?. Në fjalën e saj Ministrja Kodheli u ndal në çështje që kanë të bëjnë me sfidat e reja të sigurisë në kufijtë lindor dhe jugor të aleancës si dhe rruga e Shqipërisë drejt Bashkimit Europian. Gjithashtu Kodheli ka folur edhe lidhur me terrorizmin, ku është shprehur se një nga mënyrat për ta luftuar terrorizmin është edhe integrimi i Ballkanit Perëndimor në familjen e madhe evropiane.

?Xhihadistët kërkojnë terren të përshtatshëm në Evropë. Sulmet terroriste të disa javëve më parë në France dhe Danimarkë, dhe parandalimi i akteve të mundshme terroriste në Belgjike e gjetkë, janë këmbana alarmi për rrezikun që i kanoset sot qytetërimit modern nga forcat e errësirës. Ne i luftojmë ata në mënyrën tonë, por numri i njerëzve që marrin pjesë nga Ballkani Perëndimor, në rajonet e konflikteve, po rritet në mënyrë shqetësuese. Edhe një herë, është e dukshme që ne po përpiqemi të ngushtojmë hapësirat në zonat përreth nesh, të përmendura më lart. Duke marrë parasysh gravitetin e ambientit të sigurisë në ditët e sotme, ne duhet të lëvizim më shpejt.

Unë besoj në mënyrë të palëkundur që duke integruar këtë zonë gri të Evropës në komunitetin Euroatlantik ne do ta bëjmë Aleancën tonë një grup më të mirë vendesh me vlera të përbashkëta, për mbrojtjen kolektive. Në të gjithë këto pasiguri, duke pasur parasysh krizat aktuale, ne duhet të kujtohemi që paqja dhe stabiliteti në rajonin tonë, nuk mund të merren si të mirëqena. Historia na ka mësuar se teksa bota ndryshon, NATO, BE dhe i gjithë komuniteti ndërkombëtar ka nevojë të ndryshojë. Duhet të jetë i aftë të reagojë shpejt jo vetëm politiksht, por të ketë gjithashtu kapacitetin e duhur dhe të nevojshëm?, është shprehur Kodheli.





Lajmet e fundit nga