web counter
LEXO PA REKLAMA!

SHKARKO APP

App Store
Google Play

Gjergj Bojaxhi konfirmon kandidimin në Tiranë, ashpërsohet gara për kryeqytetin

26 Mars 2015, 09:23, Politikë CNA

Gjegj Bojaxhi nuk ka mohuar zërat e ditëve të fundit se do të garojë si kandidat i pavarur për Bashkinë e Tiranës. Mësohet se Gjegj Bojaxhi do të shpalosë para qytetarëve shqiptarë platformën e tij për drejtimin e Bashkisë më të madhe dhe më të rëndësishme në Shqipëri.

Dalja e Bojaxhiut është lexuar dhe interpretuar nga opozita si një skenar i kryeministrit Edi Rama, për të aneksuar dhe fragmentarizuar një pjesë votash nga thesi i votave të opozitës në garën për Bashkinë e Tiranës. Por, teksa Partia Demokratike ka lëshuar thirrjet e para ultimative për t?u tërhequr nga kjo garë, Bojaxhi ka konfirmuar në një farë mënyre vendimin e tij, për t?u bërë pjesë e garës për Bashkinë e Tiranës. Ndërsa nëpër lagjet e Tiranës ka nisur procesi i mbledhjes së firmave për kandidimin e tij. Edhe pse ditët e fundit është përfolur për një kandidim të tijin në kryeqytet, ende nuk ka pasur një konfirmim zyrtar.

I kontaktuar nga gazeta SOT, Bojaxhi nuk e ka mohuar aspak këtë gjë, por ka thënë se shumë shpejt do të mbajë një qëndrim zyrtar, ku me shumë gjasa do të bëhet dhe shpallja e kandidaturës, kjo për faktin edhe se ka nisur puna në terren për të mbledhur firmat e nevojshme nga qytetarët, në mënyrë që ai të jetë kandidat i pavarur. ?Nuk mohoj asgjë, por padyshim së shpejti do të shprehem. Mbas disa ditësh do mbaj qëndrimin tim?, tha Bojaxhi.





Lajmet e fundit nga