web counter
LEXO PA REKLAMA!

SHKARKO APP

App Store
Google Play

E fundit!

x

Koncesioni i parkingjeve në Vlorë/ Kokëdhima: Në padijeni të qeverisë, do anullohet

26 Mars 2015, 08:57, Politikë CNA

Deputeti socialist Koço Kokëdhima është shprehur se ai dhe qeveria nuk kanë pasur dijeni lidhur me dhënien me koncesion të parkingjeve të qytetit të Vlorës. Në një intervistë për emisionin ?Tonight Ilva Tare? Kokëdhima deklaroi qëndrimin e tij kundër këtij koncesioni.
?Për koncesionin e parkingjeve në Vlorë, jam krejtësisht kundër. Me shumë sinqeritet nuk kam pasur asnjë dijeni për këtë gjë. Por as qeveria nuk ka pasur asnjë dijeni për këtë çështje dhe po bën të gjitha tratativat e nevojshme për të mos lejuar vazhdimin e këtij koncesioni. Ka instrumenta qeveria që mund të ndërhyjë edhe në çështje që i ka marrë pushteti lokal. Ai është një koncesion që nuk prodhon avantazhe për qytetarët?.
Lidhur me projektin TAP, deputeti socialist tha se nuk do të ketë asnjë ndikim pozitiv në Shqipëri. Sipas Kokëdhimës një numër i madh koncensionesh në vendin tonë janë në interes vetëm të koncensionarëve dhe jo të vendit.
?TAP-i nuk do të ketë asnjë ndikim pozitiv në Shqipëri. Ashtu si TAP-i dhe një numër i madh koncesionesh në Shqipëri janë çnderuese për një vend. Janë koncesione që në mënyrë të hapur tradhëtojnë interesat e Shqipërisë dhe të shqiptarëve, u japin interesa vetë përfituesve të koncesioneve. Edhe pse është bërë shumë propagandë që TAP-i do të sjellë shumë të mira në vendin tonë, në të vërtetë Shqipëria nuk përfiton asnjë metër kub gaz.
Kapaciteti i TAP-it ndahet kështu: 80 për qind e merr Italia, 10 për qind e merr Greqia dhe 10 për qind e merr Bullgaria. Kalon nëpër territorin e Shqipërisë dhe nuk merret asnjë lek qira për tokën. Nuk merret asnjë taksë kalimi, anjë metër kub gaz. Praktikisht përfitojnë koncesionarët dhe ata që kanë negociuar kontratën?.
Deputeti Kokëdhima iu rikthye edhe çështjes së legalizimit të kanabisit mjekësor, si një mundësi për zhvillimin e ekonomisë së vendit dhe kjo mundësi duhet diskutuar sa më shpejt, ashtu siç po bëjnë shumë vende të botës.
?Unë jam që Shqipëria të ketë një legjislacion të arsyeshëm për çështjet e kanabisit. Mundësitë e përfitimit nga kjo ekonomi të diskutohen hapur. Kjo nuk duhet të jetë një tabu. Sot, të gjitha vendet e botës po e diskutojnë, po e legalizojnë dhe ne kemi nevojë që ta diskutojmë këtë çështje.
Përderisa ne dimë ta bëjmë kanabisin, përderisa kjo bimë kultivohet në mënyrë të suksesshme në Shqipëri, pse të mos e ngremë këtë ekonomi me kontrollin e plotë të shtetit, gjithmonë për interesa të farmaceutikës dhe për eksport, si për kërpin dhe për kanabisin medicinal? Kjo ekonomi është shumë me leverdi dhe nuk ka arsye që në të mos përfitojmë prej saj.Unë besoj vërtet që ne kemi mundësi të përfitojmë nga kjo ekonomi.





Lajmet e fundit nga