E fundit!

11:26 Kronika

Trafik droge dhe organizatë kriminale/ Arrestohen në Durrës dy të kërkuarit ndërkombëtarisht

Dy persona të kërkuar ndërkombëtarisht janë arrestuar në D...

Ofendimi ndaj deputeteve, reagon Koalicioni për Nxitjen e Pjesmarrjes së Grave

25 Mars 2015, 16:15, Politikë CNA

Koalicioni për Nxitjen e Pjesmarrjes së Grave dhe të Rinjve në Politikë me anë të një deklarate publike ka reaguar ndaj sharjeve, fyerjeve, dhe misogjenisë kolektive mashkullore që u hodh ndaj deputeteve, përfaqësuese të Aleancës së Grave Deputete, të cilat dje publikisht mbrojtën përpara Komisionit të Ligjeve të Kuvendit të Shqipërisë kërkesën e këtij grupimi parlamentar dhe të shoqërisë civile për përmirësimin e kuotës Gjinore si për listat e këshilltarëve bashkiakë ashtu edhe për kandidatët për kryetarë bashkish.
Për këtë deklaratë, ka reaguar dhe deputetja Mesila Doda, e cila shprehet se shoqatat që marrin fonde dhe mbështetje nga partnerët ndërkombëtar për të mbështetur të drejtat e gruas dhe të ndihmojnë për rritjen e përfaqësimit të gruas në politikë sot e kanë detyrim moral dhe parimor të flasin.
Deklarata e plotë
Koalicioni për Nxitjen e Pjesmarrjes së Grave dhe të Rinjve në Politikë me anë të kësaj deklarate publike kërkon të shpreh neverinë e tij ndaj sharjeve, fyerjeve, dhe misogjenisë kolektive mashkullore që u hodh ndaj zonjave deputete, përfaqësuese të Aleancës së Grave Deputete, të cilat dje publikisht mbrojtën përpara Komisionit të Ligjeve të Kuvendit të Shqipërisë kërkesën e këtij grupimi parlamentar dhe të shoqërisë civile për përmirësimin e kuotës Gjinore si për listat e këshilltarëve bashkiakë ashtu edhe për kandidatët për kryetarë bashkish. Po ashtu Aleanca e Grave deputete kërkoi që kuota gjinore të vendoste edhe nje mekanizëm zbatimi, ku të paktën 1 në çdo 3 emra të jetë nga gjinia më pak e përfaqësuar, si dhe refuzimin e listave nëse ato nuk respektojnë apo arrijnë t?i zbatojnë këto parime.

Mediat kryesore treguan me pamje dhe zë sesi një pjesë e mirë e burrave deputete të Kuvendit të Shqipërisë dhe anëtarë të Komisionit të Ligjeve hedhin akuza, sharje dhe fyrje të neveritshme ndaj dy kolegeve të tyre deputete, znj. Mesila Doda dhe znj. Mimoza Hafizi, respektivisht Kryetare dhe Nën-kryetare të Aleancës së Grave Deputete, duke i trajtuar ato haptazi pa respekt, pa dinjitet dhe duke vendosur ndaj tyre një diktat mashkullor dhe misogjen të votës së burrave kundër grave. Në asnjë moment në atë seancë të Komisionit të Ligjeve, asnjë deputet burrë nuk u çua që të reagonte ndaj trajtimit jo të denjë dhe të turpshëm të zonjave deputete. Paragjykimet, diskriminimi gjinor dhe misogjenia kolektive burrerore nuk janë më të qarta sesa në pamjet dhe fjalët që u thanë ndaj grave deputete por edhe grave në tërësi në Kuvendin e Shqipërisë.

Nisur nga kjo ngjarje e shëmtuar dhe e patolerueshme që tregon mungesën e respektit për dinjitetin dhe arritjet e grave në të gjithë Shqipërinë, Koalicioni për Nxitjen e Pjesmarrjes së Grave dhe të Rinjve në Politikë, kërkon sot publikisht:

– Kuvendi i Shqipërisë të denoncojë publikisht sjelljen e deputeteve burra në Komisionin e Ligjeve dhe t?ju kërkojë atyre që të kërkojnë ndjesë publike për çdo fjalë, koment e qendrim që kanë mbajtur ndaj kolegeve të tyre deputeteë

– Kuvendi i Shqipërisë nuk mund dhe nuk duhet të miratojë asnjë ndryshim ligjor që ka të bëjë me kuotën gjinore dhe mekanizmin e saj të zbatimit, nëse ai nuk merr miratimin e Aleancës së Grave Deputeteë

– Ne i bëjmë thirrje kryetarëve të Partisë Socialiste, Partisë Demokratike dhe Lëvizjes Socialiste për Integrim, që gjatë seancës së nesërme plenare në Kuvend publikisht të mbrojnë dhe votojnë vetëm propozimet e Aleancës së Grave Deputete.