E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Eurodeputetët përplasen për Shqipërinë, Elmar Brok dhe Knut Fleckenstein qëndrime të kundërta për çështjen “Doshi”

26 Mars 2015, 07:47, Aktualitet CNA

Zyrtarët e institucioneve të Brukselit vijojnë të përplasen dhe të mbajnë qëndrime të kundërta për zhvillimet politike në Shqipëri. Në ditën e dytë të seminarit të organizuar nga Parlamenti Europian, eurodeputetët kanë ndarë mendime të ndryshme për çështjen ?Doshi? dhe zhvillimet e tjera politike. Elmar Brok, kreu i Komitetit të Jashtëm i PE-së, theksoi se ishte i interesuar për hetimin e çështjes ?Doshi?.

?Jam shumë i interesuar të di se si do të shkojnë gjërat për këtë hetim në Shqipëri mbi akuzat apo çështjen ligjore, e në Shqipëri është edhe ky shembulli që qeveria fajëson opozitën për çfarë nuk arrin. Demokracitë në zhvillim nuk duhet të kenë nevojë për Brukselin. Nuk do të ndihesha rehat po të ndërhyja mes qeverisë dhe opozitës dhe nuk ka pse të ketë vend për ndërmjetësim nga ana jonë?, tha ai.

Ndërsa Knut Fleckenstein, raportues për Shqipërinë në PE, nënvizoi se kolegët e tij nuk po vepronin mirë. ?Jam i sigurt se kolegët e PPE-së nuk po veprojnë mirë, si në Parlamentin Europian, ashtu dhe në Bundestag, por nuk më takon mua t?u tregoj se çfarë duhet të bëjnë ata. Qeveria dhe opozita duhet të shfrytëzojnë çdo mundësi për të zgjidhur problemet me krimin apo median, nëse duan vërtet, por kjo më së pari duhet të ndodhë në Parlament. Në të kundërt, është njësoj si të paguash një shitëse që nuk paraqitet fare në dyqan?, tha ai.

Eduard Kukan, ndjekës-raportues për Shqipërinë, tha se kultura politike për vendet kandidate dhe ato potenciale për në BE, nuk është bojkoti i punës parlamentare.

“Kultura politike nuk është antagonizmi i kundërshtarit. Kultura politike nuk është akuza e pabazë. Kultura politike nuk është përgjimi i gjithëpërhapur ndaj qytetarëve. Kultura politike nuk është ndërhyrja ndaj institucioneve të pavarura. Kultura politike nuk është kultivimi i mjedisit autocensurues për gazetarët dhe shoqërinë civile?, theksoi ai. Megjithëse pjesa dërrmuese e draft-rezolutës së PE-së mbi Shqipërinë flet për dialog politik dhe kompromis mes palëve, në këtë takim nuk u paraqit asnjë deputet nga shumica qeverisëse. Kuvendi u përfaqësua vetëm me deputetin demokrat Bogdani, si dhe 3 këshilltarët e grupeve kryesore politike, shkruan e perditshmja Sot.