E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

Studimi i BE-së: Lidhja Arsimim – tregu i punës, si të adaptohet kërkesa me ofertën

25 Mars 2015, 11:36, Aktualitet CNA

Reformat në arsimin e lartë, përgatitja e studentëve me kurrukulat e duhura dhe përballja në tregun e punës ka qenë tema e takimit të sotëm, mbi projektin më të fundit të financuar nga BE. Të pranishëm në takim, Zv/ministri i Arsimit, Arbi Mazniku ka theksuar se reforma në arsim, treguesit e performancës së procesit të mësimdhënies, por në thelb institucioni i arsimit të lartë, duhet të aftësojë njerëzit për tregun e punës dhe për ekonominë e vendit.

? Treguesit do të ishin të paplotë nqs nuk aftësohen individët dhe pastaj hidhen në tregun e punës. Këtë vlerësim do e kthejmë në pikë kyçe të performancës së arsimimit të lartë. Ligji i ri udhëheq arsimin nga letra e prioriteteve. ?Arsim, studim dhe kërkim shkencor.? Pritet se arsimi i lartë do adaptojë këto prioritete.?- ka thënë Mazniku.
Ai vijoi duke thënë se ky studim tregon përputhshmërinë e arsimit me tregun e punës. ? Synohet që pas disa vitesh këtë ushtrim gjurmueshmërie ta kthejmë në proces thelbësor për të gjithë institucionet. Lidhja: çfarë studiojnë dhe si përkthehet në tregun e punes? Rrisku që marrin kur zgjedhin një degë është kyçe për studimet tona?- përfundoi zv.ministri i Arsimit.

Ndërkaq Zv ministrja e Mirëqenies Sociale Genta Sula theksoi se ky studim ka vënë gishtin në plagë. Sipas saj, duhet vendosur edhe theksi te arsimimi profesional, i cili duhet të japë aftësi më të mëdha në vend, sidomos në profesionet që ka munguar tregu i punës, ose aty ku kanë munguar burimet e duhura njerëzore.
? Po bëhet reforma, po përditësohen shërbimet e punësimit. Përpjekje për të koordinuar tregun në të gjithë shqiptarët në rajon. Studimi ka një përmasë rajonale. Degët e humaniteteve janë në rritje në zgjedhjen e studentëve, për këtë arsye kemi theksin te profesionalja dhe te tregu i punes.? ? ka thënë znj. Sula, duke shtuar në fund se në Shqipëri ka mungesë koordinimi të ofertës dhe kërkesës që prodhohet nga sistemi arsimor.

Ndërksa, Përfaqësuese e delegacionit të BE ka përshëndetur panelin dhe ka thënë se për të forcuar strukturat ekonomike në një vend ka rëndësi të veçantë të shihet arsimimi dhe rritja e punësimit. ?Edukimi është kusht elementar për të rritur ekonominë e një vendi? ? ka thënë ajo, duke shtuar gjithashtu edhe një sërë projektesh që BE ka dhënë për këtë drejtim, si program 2014-2020 për ?shkëmbim i studentëve? me shtetesh, për të studiuar, punuar ose dhënë kontribute vullnetare. Ajo shtoi se ky projekt ka një rëndësi të veçantë për të gjithë aktorët e këtyre fushave, të arsimimit dhe të punës, qoftë në administrata shtetërore, qoftë për biznese.

Në fund, prof. Merita Xhumari realizoi një prezantimim të pikave kyçe që ky studim do të mund të evidentojë :

? Të vlerësohet se çfarë ofron arsimi i lartë në Shqipëri: publike dhe private.
? Të identifikohet nëse suksesi i diplomimit është të gjejë punë
? Sfidat që ndesh një i diplomuar në tregune punës
? Të maten aftësitë që kërkon tregu i punës: kërkesa dhe oferta
? Cilat sektorë apo industri janë më avangard
? Kush janë promotorët e punësimit

Ky studim do t?i vendoset në ndihmë në një mbledhje mes strukturave të Be dhe ato tonave dhe rajonale, në një takim më 1 korrik.

Znj. Xhumari theksoi edhe se 4 janë shtyllat kryresore të studimit: oferta e institucioneve të arsimimit, kërkesa e tregut të punës, tranzicioni nga student në të punësuar dhe struktura e ekonomike shqiptare.

monitor.al