web counter
LEXO PA REKLAMA!

SHKARKO APP

App Store
Google Play

E fundit!

x

Mogherini në Havana: Marrëveshje për normalizim

25 Mars 2015, 09:56, Aktualitet CNA

Bashkimi Europian dhe Kuba kanë rënë dakord të përshpejtojnë negociatat për normalizimin e marrëdhënieve mes tyre me synim arritjen e një marrëveshjeje kuadër deri në fund të këtij viti. Shefja e Politikës së Jashtme të Bashkimit Europian, Federica Mogherini u takua me presidentin e Kubës, Raul Kastro, ministra e zyrtarë të lartë të qeverisë në Havana.
Bëhet fjalë për vizitën e nivelit më të lartë diplomatik në ishull nga Europa deri në ditët e sotme, ndërkohë që rimëkëmben marrëdhëniet e Kubës, me Perëndimin.
?Kemi nevojë të intensifikojmë dialogun mes nesh, por kjo nuk do të thotë se jemi të pakënaqur me të kaluarën, bëhet fjalë të përdorim momentin e favorshëm për takimet tona, për vizitën time këtu dhe bisedimet e mira që pata me zyrtarët e që me siguri do të përkthehen me marrëveshje?, tha Mogherini duke folur për gazetarët në Havana.
Gjithashtu, në Havana ka qëndruar edhe ministri i Jashtëm i Rusisë, në përpjekje për të treguar se pajtimi i Kubës me Shtetet e Bashkuara nuk ndikon në marrëdhëniet mes dy aleatëve të Luftës së Ftohtë.
Kuba e mirëpriti mbështetjen që Sergei Lavrov ofroi për të zbutur embargon e tregtisë me Amerikën.
Edhe pse BE i ka hequr sanksionet diplomatike kundër Kubës që në voton 2008, progresi drejt normalizimit të marrëdhënieve ka qenë i ngadalshëm.
Bisedimet më të fundit u shtynë për shkak të angazhimit të papritur të Havanës për të ulur tensionet me Uashingtonin.
Pavarësisht progresit në të drejtat e njeriut në Kubë, kjo çështje vijon të sjellë ndasi dhe kundërshti mendimesh. Gjithsesi, si shenjë e vullnetit të mirë, kryediplomati kubanez pritet të vizitojë Brukselin në muajin prill.





Lajmet e fundit nga