Andrea (Aldo) Mano tërhiqet nga gara për bashkinë e Korcës pas takimit me Niko Peleshin

25 Mars 2015, 09:47, Aktualitet CNA

Kryetari PD-së në Korcë ka filluar tërheqjen nga beteja e tij për të qenë kandidati i opozitës për bashkinë e këtij qyteti. Deri disa ditë më parë ai shpallte veten si kandidaturë e vetme dhe fituese por ditët e fundit Andrea është tërhequr nga dëshira e tij.

Ai së fundi ka filluar të bëjë levizje të dyfishta. Pasi shpalli se rektori i Universitetit Fan S. Noli në Korcë, Gjergji Mero, nuk pranonte të kandidonte dhe se vetëm Aldo apo Andrea (se ky ka dhe dy emra), pra vetë ai ishte kandidatura kryesore dhe e vetme, tani kreu i PD në Korcë ka dalë të kërkojë kandidatura të tjera për Bashkinë e Korcës.

Po pse kjo tërheqje e tij? Urdhër, sondazh se nuk fiton, apo manovër politike? Të gjitha këto janë aludime por e vërteta qëndron diku tjetër. Së fundi mesohet se Basha nuk e ka pritur Andrea Manon në takim dhe ka autorizuar Enno Bozdon dhe Fatbardh Kadillin ti thonë Jo kryetarit të PD në Korcë. Dy sekretarët e PD ja kanë bërë të qartë Manos se ai nuk do jetë kandidati për bashkinë e Korcë. Sipas të gjitha gjasave kandidimi i Manos nga sondazhet e bëra në qendër e nxirnin PD jo më shumë se 27%. Nga ana tjetër ai shikohet si një figurë e konsumuar dhe e akuzuar për korrupsion kur PD ishte në pushtet. Pra Andrea Manos i është mbyllur dera në surat nga Basha në këto momente

Dekriminalizimi i opozitës e ka penguar, apo tërheqja ka ndodhur për ndonjë arsye tjetër?

Cështja me Bashën duket vështirë për tu zgjidhur dhe kjo për shkak të sondazheve që bën opozita. Problematika e dekriminalizimit është vetëm një pikë. Mano nuk rezulton i denuar për ndonjë vepër penale apo akt kriminal, por ai është i lidhur me krimin si mishi me thoin. Pasioni i tij për të qenë pranë bandave, personave të inkriminuar është një fakt i pamohueshëm dhe i ditur botërisht. Pasioni shkon më tej, duke i përdorur ata për vota fakt që u zbulua qartazi me emerimet e tij kur ishte Drejtor Arsimi në Korcë dhe kur kandidoi në zgjedhjet e vitit 2011.

Mesohet se Mano se fundi ka pasur edhe një takim me mikun e tij zv/kryeministrin Niko Peleshi. Dikur rivale për bashkinë e Korcës por kjo ndikoi vetëm pak kohë në miqësinë e tyre e cila u rikthye menjëherë kur Andrea kërkonte të merte postin e kryetarit te PD në Korcë.

Pak ditë më parë kur Mano ka qenë në Tiranë në një nga mbledhjet që zhvillonte Basha me strukturat, është zhvilluar edhe takimi Mano – Peleshi. Takimi i dy shokëve dhe miqve të vjetër duket se është shkaku i vërtëtë i tërheqjes nga gara i njeriut me dy emra. Nuk dihen detajet e takimit të Niko Peleshit me Manon, por një fakt është i sigurt, pas këtij takimi Andrea është tërhequr nga beteja e tij për të kandiduar në emër të opozitës në Korcë. E ka bërë për shkak të miqësisë me Peleshin, për shkak të informacioneve apo pazareve me numrin dy të qeverisë ketë mund ta thotë vetëm Mano ose Peleshi.