E fundit!

11:38 Aktualitet

Rrëshqitje dheu në Kodër Currila/ Rrezikohet pallati

Rrëshqitje dheu janë regjistruar në Kodër Currila në orët ...

Arsim nëpërmjet përlarjes të parasë publike për të pasurit, dhe ... Ik, ngrohuni në diell ju të tjerët!

25 Mars 2015, 07:06, Aktualitet CNA

Nga Artan Fuga

Projekt-ligji për arsimin e lartë është një tekst i keq i përgatitur në zyra nga individë të izoluar, ë parasë publike për të pasurit, dhe pa pikë transparence.

Bota akademike është mbajtur nën presion, është fyer dhe etiketuar nga përgatitësit e këtij teksti dhe nga përfaqësues të dikasterit.

Kësaj i thonë ata respekt i aktorëve socialë.

Ligja elektrorale shkatërroi të drejtën e votës. E thamë që dhjetë vjet më parë. Askush nuk na e vari.

Ligji 7501, shkatërroi bujqësinë, e thamë 20 vjet më parë. E kush dëgjonte!!!

Ky projekt-ligj i arsimit të lartë nuk do shkatërrojë vetëm arsimin, ai është në krizë e agoni tashmë, por do t’i japi dërmën e fundit, do ta dëmtojë arsimin si instrument drejtësie sociale.

E para, do të krijojë një arsim për çunat dhe gocat e babit dhe mamit që janë të pasur, dhe do t’i zhysë në mjerim dijeje fëmijët e popullit.

E dyta, do të marrë lekat e buxhetit nxjerrë nga taksat tona për t’ja u dhënë privatëve që në universitetet që kanë ngritur, marrin lekët e studentëve dhe shpesh i bëjnë investime për fitim në fusha për përvetësim personal.

Me lekët e taksave të studentëve të popullit do të mbushi xhepat e privatëve.

E treta, do t’ua kripi kokën studentëve me tarifa të larta sepse universitetet nuk kanë si mbahen me kaq pare sa i jep buxheti i shtetit sot. Ose do paguajnë më shumë, ose universitetet publike do të degjenrojnë dhe më keq e do të bëhen si spitalet publike, fabrika vdekjeje intelektuale.

Servili thotë : U po duhet “dora e fortë” e shtetit se universitetet kanë korrupsion.

Nuk e shikon se shteti dhe administrata e ka luftuar korrupsionin, a thua se nëpunësit janë ëngjëj…! Ka prej tyre që të shikojnë nga duart dhe nga xhepat sa shkon për një hall…

Ka forma të tjera edhe për të luftuar korrupsionin që gërryen universitetet sikurse gjithë shoqërinë, edhe për ta mbajtur të lirë nga kontrolli politik hapësirën universitare që është hapësira e fundit e lirisë që i ka mbetur kësaj shoqërie.

Po kush të pyet se!!!

Vetëm na fyejnë…dhe na bëjnë presione…