web counter
LEXO PA REKLAMA!

SHKARKO APP

App Store
Google Play

Shqipëri – BE/ Komisioni Evropian bën publike konkluzionet e takimit

24 Mars 2015, 18:58, Aktualitet CNA

Pas përfundimit të dialogut të nivelit të lartë midis Shqipërisë dhe BE-së, Komisioni Evropian bëri publike konkluzionet e nxjerra nga ky takim. 

Zbatimi i 5 prioriteteve

?Pjesëmarrësit pranuan se, sfidat e së ardhmes në këtë proces kërkojnë përpjekje të konsiderueshme dhe të qëndrueshme nga Shqipëria. Komisioneri Hahn theksoi se konsolidimi i realizimit të reformave të qëndrueshme, sipas 5 prioriteteve, janë thelbësore për përparimin drejt BE-së. Ato do të jenë subjekt i një vëzhgimi të rreptë nga BE-ja?.

Puna në Parlament

?Komisioneri Hahn nënvizoi se puna konstruktive në Parlament, mes qeverisë dhe opozitës, është esenciale për qëndrueshmërinë e procesit të reformave europiane. Ai theksoi rëndësinë e respektimit dhe të zbatimit të marrëveshjes së dhjetorit, e cila i dha fund bojkotit parlamentar?.

Reforma në drejtësi

?Komisioneri Hahn përshëndeti progresin e arritur nga Shqipëria për reformën në drejtësi, si dhe themelimin e Komisionit parlamentar për këtë reformë. U ra dakord, që Komisioni Europian do të informohet për punën dhe arritjet e këtij komisioni. Gjithashtu, komisioneri nënvizoi rëndësinë e gjithëpërfshirjes në këtë proces, nën këshillimin e Komisionit të Venecias?.

Administrata publike

Komisioneri – thuhet në konkluzionin e tetë – përshëndeti vendosmërinë e qeverisë shqiptare në luftën kundër korrupsionit. Pjesëmarrësit në Dialogun e Nivelit të Lartë – thuhet në konkluzionin numër 9 – përshëndetën po ashtu edhe vendosmërinë e qeverisë në luftën kundër trafikut të drogës, si dhe rritjen e numrit të operacioneve për identifikimin dhe shkatërrimin e kultivimit të narkotikëve. Por, kërkohet që bashkëpunimi midis agjencive ligjzbatuese duhet të forcohet për të rritur efikasitetin e investigimeve.





Lajmet e fundit nga