Lajmet financiare në AP i shkruajnë robotët

24 Mars 2015, 09:27, Aktualitet CNA

A do të zëvendësohen gazetarët nga robotët kur shkruajnë lajme financiare? Vështirë ta thuash, por shumica e lajmeve të prodhuara nga agjencia ?Associated Press? që kanë të bëjnë me të ardhurat e korporatave, bëhen me anë të teknologjive të automatizuara. Këta kompjutera shkruajnë sot lajme për gazetat ose për internetin, një punë që dikur bëhej nga njerëzit. Agjencia e lajmeve ?Associated Press? ka hyrë në partneritet me firmën ?Automated Insights? për të shfrytëzuar algoritmet e kësaj kompanie, të cilat prodhojnë lajme financiare të caktuara brenda pak sekondave. Philana Patterson, redaktore biznesi në agjencinë ?Associated Press?, thotë se kompjuterët bëjnë sot punën më të madhe që dikur ishte rutinë për gazetarët. ?Në thelb, ?Automated Insights? përdor kompjuterët për të nxjerrë të dhënat që më parë shkruheshin me dorë?, thotë ajo. Ajo thotë se në këtë rast, gabimet më shumë bëhen nga njerëzit se sa nga programet kompjuterike. ?Edhe këtu kemi pjesën njerëzore, pra kur i marrim të dhënat nga firma ?Zacks Investment Research?, dhe ka raste kur të dhënat futen në kompjuter gabim, por kjo është hera e vetme kur mund të ndodhin gabime?, shton më tej ajo. Për shumë vite me radhë, gazetarët e agjencisë ?Associated Press? harxhonin mjaft kohë për të bërë llogaritje apo për të rishkruar informacionin nga kompanitë që publikojnë raporte për bilancin e tremujorit. Tani ?Associated Press? nxjerr më shumë raporte financiare për gazetat dhe faqet e internetit që kanë nevojë për to. ?Kështu ne mund të shpenzojmë më tepër kohë për lajmet e fundit ose për gazetari investiguese, pra për shkrime që kërkojnë më tepër punë me detajin,? thotë zonja Patterson. ?Associated Press? po e përdor këtë teknologji që nga korriku i kaluar dhe Patterson thotë se përfitimet janë të qarta. Jeff Jarvis, profesor i gazetarisë në City University të Nju Jorkut, thotë se kjo praktikë është një shembull se si mund të përdoret teknologjia në mënyrë efikase. ?Sot gazetaria është shumë, shumë joefiçente. Mjafton të kërkosh në ?Google News? dhe aty gjen 1400, 1500 variante të së njëjtës ngjarje, gjë që është një shpenzim i kotë. Disa gazeta marrin një lajm të agjencisë ?Associated Press?, e rishkruajnë dhe pastaj e paraqesin si të vetin. Një shpenzim i kotë?, thotë ai. Në vend të kësaj, thotë ai, gazetarët mund të merren me ngjarjet më të rëndësishme, se sa të rishkruajnë gjëra që i kanë bërë të tjerët. Agjencia AP planifikon të prodhojë lajme me të njëjtën mënyrë edhe për sportin.