web counter
LEXO PA REKLAMA!

SHKARKO APP

App Store
Google Play

E fundit!

x

Gjigandi francez që ka ndërtuar kullën Eifel kërkon projektin e Lungomares në Vlorë

24 Mars 2015, 07:36, Aktualitet CNA

Është zhvilluar tenderi për një segment të rëndësishëm të projektit ?Lungomare? të bregdetit të Vlorës, ku morën pjesë nëntë kompani.

Ajo që bie në sy mes pjesëmarrësve, është prania e kompanisë franceze Eiffage, një nga më të mëdhatë në Europë me mbi 16 miliardë euro xhiro në 2014-n.

Mbi 80% e punonjësve të saj francezë janë gjithashtu dhe aksionerë të kompanisë.

Fjala është për kompaninë që në themel të krenarisë së saj ka edhe ndërtimin e kullës së famshme Eifel në Paris.

Eiffage është krijuar si shkrirje e një grupi kompanish me profile të përafërta ndërtimore. Janë kompani si Fougerolle, e themeluar më 1844, Eiffel, e themeluar më 1850 me specializim konstruksionet metalike; Quillery, Beugnet, etj. Bashkimi në vitin 1992 i Fougerolle dhe kompanisë SAE, solli Eiffage.

Aktivitetet e grupit Eiffage shtrihen në projekte superstrukturash ndërtimi.

Piramida metalike e muzeut të Luvrit, Opera House e Sidneit, Australi, tuneli i La Manshit, metroja e re e Parisit, ajo e Kopenhagës janë disa nga veprat e grupit.

Mund të tingëllojë e çuditshme prania në projektin e ?Lungomares?, e një grupi që kryen çdo vit volume punimesh sa katër herë buxheti i shtetit shqiptar, por duket se kompani të tilla nuk ?i bëjnë naze? asnjë llojë pune e projekti, i madh, mesatar apo i vogël ? thonë përfaqësuesit e saj





Lajmet e fundit nga