E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Ekskluzive flet kreu i AK Kreshnik Spahiu/ Qeveria, Opozita, Rama, Meta, Basha. AK kundër të gjithëve

23 Mars 2015, 20:59, Aktualitet CNA

Jeni në opozitë me qeverinë por edhe me PD-në shume kritik, cili është pozicioni i AK-së?

Qartazi jemi në opozitë shumë të fortë me qeverinë Rama. Sot jemi opozita më e sulmuar, diskriminuar, dhunuar dhe izoluar nga gjithë mediat qeveritare. Edi Rama ka urdhëruar gjithë Top Mediat e tij që vetëm një lëvizje të mos dal në ekran. Aleanca KuqeZi. Ata kanë frikë vetëm Aleancën kuqezi dhe jo PD sepse e vetme, PD kurrë nuk do sjell rotacion politik. Ne jemi kritik me PD sepse ajo na bëri peshqesh Ilir Metën dhe lejoi ardhjen me 85 deputetëve të PS pas një zemrate mbarpopullore.

Do bëni koalicion me Bashën në zgjedhjet lokale apo do dilni i vetëm?

Me Bashën mund të na bashkojë revolucioni por jo koalicioni. PD duhet të gris mandatet, te bojkotojë zgjedhjet lokale dhe të shkaktojë zgjedhje të parakohshme me një Kod të ri elektoral. Dekriminalizimi realizohet me një sistem të ri zgjedhjesh. Ne nuk bashkohemi me PD në zgjedhje të cilat i ka fituar PS dhe LSI në tavolinë.

Cfarë ka bërë mirë dhe cfarë ka bërë keq Rama?

Qeveria Rama është sallon bukurie me parukier modern. Ajo ka një qëndrim estetik dhe mediatik. Ndëkohë ajo është ka ardhur në pushtet nga para të pista dhe kompromis me disa nga bandat dhe familjet mafioze më të fortat në Shqipëri, Mandati i saj do ketë gjakderdhje, krime, mungesë sigurie, rendi, varfëri, mjerim, korrupsion dhe kam bindjen që do rrëzohet nga revoltat popullore.

Ku calon opozita?

Opozita është e dyzuar mes rrugës dhe kuvendit, mes publikut dhe xhepit. mes elektoratit dhe rrogave të deputetëve, mes opozitës dhe gjysëm pushtetit në bashki, mes të ardhmes dhe nostalgjisë për 8 vitet e pushtetit, mes protestave dhe kollareve firmato. Thjesht liderët e saj ende nuk e ndjejnë veten në opozitë dhe janë po aq arrogant dhe fodull sa 4 vite më parë.

Një parashikim për zgjedhjet lokale…

Nëse opozita gabon të shkojë në zgjedhje pa kushte ajo do shkatërrohet në këto 21 qershor për shkak të manipulimit të hartës së re, Kodit elektoral, medias dhe parave të pista të pushtetit. Pjesmarrja me infrastrukturën socialiste është kapitullim drejt shkatërimit të opozitës në 21 qershor dhe konsolidimit të dyshes Ram & Meta. Ajo ditë do jetë zhgënjim për demokratët dhe çdo opozitar.

Intervistoi për www.cityfm.al: Elvi FUNDO